ថ្ងៃទី ២៧ ខែ មេសា លោក Elliott Engel ប្រធានគណៈកម្មាធិការកិច្ចការទូតនៃសភាជាន់ទាបសហរដ្ឋអាមេរិក និងជាសមាជិកបក្សប្រជាធិបតេយ្យបានថ្លែងថា ក្នុងថ្ងៃដដែលនេះ លោកនឹងចាប់ផ្តើមធ្វើការស៊ើបអង្កេតទៅលើសេចកី្តសម្រេចរបស់រដ្ឋាភិបាលលោកត្រាំស្តីពីការផ្អាកការផ្តល់ថវិកាដល់អង្គការសុខភាពពិភពលោក ។
ថ្លែងក្នុងលិខិតដែលផ្ញើជូនលោក Pompeo រដ្ឋមន្ត្រីការបរទេសអាមេរិក លោក Engel បានលើកឡើងថា ខណៈពេលវីរុសកូវីដ១៩បាននិងកំពុងរីករាលដាលនៅទូទាំងពិភពលោក លោកត្រាំ ប្រធានាធិបតីអាមេរិកបែរជាបានសម្រេចថានឹងផ្អាកការផ្តល់ថវិកាដល់អង្គការសុខភាពពិភពលោកទៅវិញ ប្រការនេះនឹងបណ្តាលឱ្យមានផលអាក្រក់ និងហានិភ័យដល់សុវត្ថិភាពអាយុជីវិតមនុស្ស ។ ក្នុងសភាពការណ៍ដ៏តានតឹងបែបនេះ ការវាយប្រហារទៅលើអង្គការសុខភាពពិភពលោកនឹងធ្វើឱ្យស្ថានភាពជំងឺឆ្លងមានសភាពកាន់តែធ្ងន់ធ្ងរ ។
ថ្លែងក្នុងលិខិតនេះ លោក Engel ទាមទារឱ្យក្រសួងការបរទេសអាមេរិកផ្តល់កំណត់ត្រានិងព័ត៌មានពាក់ព័ន្ធនឹងសេចកី្តសម្រេចចិត្តមួយនេះជូនគណៈកម្មាធិការកិច្ចការទូតឱ្យបានមុនរសៀលថ្ងៃទី៤ ខែឧសភា ៕
