ថ្ងៃទី ២៥ ខែមេសា លោក Richard Horton និពន្ធនាយកនៃទស្សនាវដ្តី« The Lancet »បានចុះផ្សាយអត្ថបទក្រោមចំណងជើងថា «ហេតុអ្វីបានជាពាក្យសម្តីរបស់លោកត្រាំអំពីអង្គការWHOជាពាក្យសម្តីខុសឆ្គង » លើទស្សនាវដ្តីមួយនេះ ។
អត្ថបទមួយនេះបានរៀបរៀងនូវកាលវិភាគនៃការដោះស្រាយនិងទប់ទល់នឹងជំងឺឆ្លងរបស់អង្គការសុខភាពពិភពលោកចាប់តាំងពីប្រទេសចិនបានរាយការណ៍ជាលើកដំបូងពីករណីឆ្លងជំងឺរលាកសួតកើតឡើងដោយមិនដឹងមូលហេតុនៅក្រុងវូហានទៅកាន់ទីស្នាក់ការអង្គការសុខភាពពិភពលោកប្រចាំនៅប្រទេសចិនកាលពីថ្ងៃទី ៣១ ខែធ្នូ ឆ្នាំ ២០១៩ កន្លងទៅ ហើយបានចង្អុលបង្ហាញថា អង្គការសុខភាពពិភពលោកបានចំណាយពេលតែ ៤ ថ្ងៃដើម្បីរាយការណ៍ពីវត្តមាននៃជំងឺរលាកសួតប្រភេទថ្មីមួយនេះចំពោះប្រជាជនលើពិភពលោក ចំណាយពេលតែ ៣០ ថ្ងៃបានប្រកាសថាហេតុការណ៍ជំងឺឆ្លងនេះជាហេតុការណ៍សុខាភិបាលសាធារណៈដែលកើតឡើងជាបន្ទាន់ ។ ហេតុនេះហើយ លោកត្រាំគ្មានភស្តុតាងសម្រាប់ចោទប្រកាន់ទៅលើអង្គការសុខភាពពិភពលោកនោះទេ ។
អត្ថបទមួយនេះបានចែងទៀតថា ក្នុងអំឡុងពេលផ្ទុះវិបត្តិសុខាភិបាលសាធារណៈជាសកល ការចោទប្រកាន់ដោយគ្មានភស្តុតាងទៅលើអង្គការសុខភាពពិភពលោក ព្រមនិងឈប់ផ្តល់ថវិកាជាជំនួយហិរញ្ញវត្ថុជាបន្ទាន់ចំពោះអង្គការមួយនេះ លោកត្រាំបានបំផ្លាញភាពស្មោះត្រង់និងកេរ្តិ៍ឈ្មោះរបស់លោកនិងរដ្ឋាភិបាលអាមេរិក ៕