ថ្ងៃទី២៧ខែមេសា លោកLiuPeipeiអ្នកជំនាញនៃវិទ្យាស្ថានបង្ការនិងគ្រប់គ្រងជំងឺបង្កឡើងដោយវីរុសនៃមជ្ឈមណ្ឌលបង្ការនិងគ្រប់គ្រងជំងឺចិនបានថ្លែងនៅក្រុងប៉េកាំងថា ការតាមដានរកអ្នកជំងឺលេខសូន្យដែលបានឆ្លងជំងឺកូវីដ១៩មុនគេបង្អស់ គឺជាការងារដែលបណ្តាប្រទេសនានាបាននិងកំពុងធ្វើយ៉ាងសកម្ម រំពឹងថា អ្នកវិទ្យាសាស្រ្តនៃប្រទេសនានាអាចធ្វើការងារតាមដានរកអ្នកជំងឺលេខសូន្យយ៉ាងសកម្ម ដើម្បីរួមគ្នាប្រយុទ្ធប្រឆាំងនឹងជំងឺឆ្លងលើកនេះ។
លោកLiuPeipeiបានថ្លែងថា ភារកិច្ចស្តីពីការតាមដានរកអ្នកជំងឺលេខសូន្យគឺមានភាពលំបាកលំបិនក្រៃលែង ពីព្រោះវាទាក់ទិនដល់បរិមាណទិន្នន័យយ៉ាងស្មុគស្មាញ។ ដូចនេះ យើងរំពឹងថា អ្នកវិទ្យាសាស្រ្តនៃបណ្តាប្រទេសនានាអាចរួមសហការគ្នាធ្វើការងារតាមដានរកអ្នកជំងឺលេខសូន្យ ដើម្បីរួមគ្នាប្រយុទ្ធប្រឆាំងនឹងជំងឺឆ្លង ។
តាមការផ្សាយដំណឹងឱ្យដឹងថា ចំពោះការរាតត្បាតយ៉ាងខ្លាំងនៃជំងឺគ្រុនផ្តាសាយនៅឆ្នាំ១៩១៨ ជំងឺអេដឺស៍និងជំងឺគ្រុនផ្តាសាយប្រភេទH1N1ដែលផ្ទុះឡើងនៅឆ្នាំ២០០៩ បច្ចុប្បន្នសុទ្ធតែមិនបានរកឃើញអ្នកជំងឺលេខសូន្យដែលជាអ្នកឆ្លងមុនគេបង្អស់នោះទេ ៕