ថ្ងៃទី២៧ខែមេសា លោកមីហ្វឹងអ្នកនាំពាក្យនៃគណៈកម្មាធិការជាតិសុខាភិបាលចិនបានថ្លែងនៅក្រុងប៉េកាំងថា បច្ចុប្បន្ន ករណីឆ្លងជំងឺកូវីដ១៩នៅប្រទេសចិនបានថយចុះមកនៅក្រោម១០០ករណី ប៉ុន្តែអ្នកឆ្លងជំងឺគ្មានរោគសញ្ញាដែលកំពុងស្ថិតក្នុងការតាមដានគឺមានចំនួនជិត១ពាន់ករណី ហេតុនេះត្រូវធ្វើចត្តាឡីស័កចំពោះក្រុមមនុស្សងាយឆ្លងទាំងអស់។
ថ្លែងក្នុងសន្និសីទកាសែតនៃក្រុមការងារយន្តការរួមគ្នាបង្ការនិងគ្រប់គ្រងជំងឺកូវីដ១៩នៃក្រុមប្រឹក្សាកិច្ចការរដ្ឋចិនដែលបើកធ្វើនៅថ្ងៃដដែលនោះ លោកមីហ្វឹងបានថ្លែងថា កាលពីថ្ងៃទី២៦ខែមេសា ខេត្តហ៊ូប៉ីមិនបានរកឃើញករណីឆ្លងថ្មីនិងករណីស្ស័យឆ្លងថ្មីជាលើកដំបូង បច្ចុប្បន្ន ករណីឆ្លងជំងឺកូវីដ១៩នៅប្រទេសចិនបានថយចុះមកនៅក្រោម១០០ករណីហើយ អ្នកជំងឺប្រភេទនាំចូលពីក្រៅដែនដែលជាសះស្បើយមានចំនួនលើសពី១ពាន់នាក់ ការបង្ការនិងគ្រប់គ្រងជំងឺឆ្លងទទួលបានប្រសិទ្ធផលជាដំណាក់កាលសំខាន់។ ប៉ុន្តែអ្នកឆ្លងជំងឺគ្មានរោគសញ្ញាដែលកំពុងស្ថិតក្នុងការតាមដានគឺមានចំនួនជិត១ពាន់ករណី ហេតុនេះត្រូវពង្រីកក្របខ័ណ្ឌធ្វើចត្តាឡីស័កឱ្យគ្រប់ដណ្តាប់ដល់ក្រុមមនុស្សងាយឆ្លងទាំងអស់៕
