នាយប់ថ្ងៃទី២៧ខែមេសា លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយលោករ៉ូហានីប្រធានាធិបតីអ៊ីរ៉ង់។
ថ្លែងក្នុងកិច្ចជំនួបតាមទូរស័ព្ទ លោកស៊ីជីនភីងបានតាងនាមរដ្ឋាភិបាលនិងប្រជាជនចិន សម្តែងការសួរសុខទុក្ខយ៉ាងស្មោះនិងការគាំទ្រយ៉ាងមុតមាំចំពោះរដ្ឋាភិបាលនិងប្រជាជនអ៊ីរ៉ង់ក្នុងការទប់ស្កាត់ជំងឺកូវីដ១៩។ លោកបានថ្លែងថា ក្នុងការប្រយុទ្ធប្រឆាំងនឹងជំងឺឆ្លងលើកនេះ ចិននិងង៊ីរ៉ង់បានជួយយកអាសាគ្នាទៅវិញទៅមក ដែលបានបង្ហាញដោយពេញលេញនូវចំណងមិត្តភាពយ៉ាងជ្រាលជ្រៅរវាងប្រទេសទាំងពីរនិងប្រជាជនចិននិងអ៊ីរ៉ង់។ ប្រជាជនចិនយកចិត្តទុកដាក់ចំពោះការទប់ទល់នឹងជំងឺឆ្លងរបស់ប្រជាជនអ៊ីរ៉ង់ដោយបានផ្តល់ជំនួយជាសម្ភារៈសម្រាប់ទប់ទល់នឹងជំងឺឆ្លងជាច្រើនលើក ព្រមនិងបានចាត់បញ្ជូនក្រុមអ្នកជំនាញខាងប្រយុទ្ធប្រឆាំងនឹងជំងឺឆ្លងទៅកាន់អ៊ីរ៉ងដែលជាក្រុមអ្នកជំនាញវេជ្ជសាស្រ្តដំបូងបង្អស់ដែលប្រទេសចិនបានចាត់បញ្ជូនទៅបរទេស។ ប្រទេសចិនរីករាយបន្តពង្រឹងនិងពង្រីកិច្ចសហប្រតិបត្តិការខាងទប់ទល់នឹងជំងឺឆ្លងជាមួយអ៊ីរ៉ង និងចែករំលែកបទបិសោធន៍ជោគជ័យ ក៏ដូចជាផ្តល់ជំនួយអស់ពីលទ្ធភាពផងដែរ។ ជឿជាក់ថាក្រោមការដឹកនាំរបស់លោកប្រធានាធិបតីរ៉ូហានី ប្រជាជនអ៊ីរ៉ង់នឹងយកឈ្នះលើជំងឺឆ្លងក្នុងពេលឆាប់ៗជាពុំខាន។
ជាការឆ្លើយតប លោករ៉ូហានីបានថ្លែងថា ខ្ញុំរីករាយណាស់ដោយសារប្រទេសចិនអាចគ្រប់គ្រងជំងឺឆ្លងដោយជោគជ័យ បទពិសោធន៍របស់ចិនមានតម្លៃឱ្យបណ្តាប្រទេសនានារៀនសូត្រតាម។ ពេលប្រឈមនឹងករណីជំងឺឆ្លង អ៊ីរ៉ង់និងចិនបានជួយយកអាសាគ្នាទៅវិញទៅមកដែលបានរឹតបន្តឹងចំណងមិត្តភាពរវាងប្រជាជនប្រទេសទាំងពីរ៕