នាពេលថ្មីៗកន្លងទៅនេះ ពេលផ្តល់បទសម្ភាសន៍ជាមួយប្រព័ន្ធសារព័ត៌មានចិន លោក Robert Lawrance Kuhn ប្រធានមូលនិធិ Kuhn របស់អាមេរិកបានថ្លែងដូច្នេះថា “តាំងពីដំបូងមក ខ្ញុំក៏មានជំនឿចិត្តយ៉ាងពេញលេញចំពោះប្រទេសចិនថាអាចយកឈ្នះលើ ជំងឺឆ្លង គឺដោយមកពីមូលហេតុបីចំណុច ៖ ពាក្យសន្យា សមត្ថភាព និងគោលបំណងដែលចង់កែប្រែនិងធ្វើឱ្យកែខ្លួនឯងប្រសើរឡើងរបស់ប្រទេសចិន……មិនបាច់សង្ស័យឡើយ ប្រទេសចិនដែលដឹកនាំដោយបក្សកុម្មុយនិស្តចិន ប្រព័ន្ធរបបនយោបាយនិងរដ្ឋាភិបាលខ្លាំងក្លារបស់ប្រទេសចិនអាចទប់ទល់នឹងករណីជំងឺឆ្លងប្រកបដោយកម្លាំងខ្លាំងក្លា ប្រសិទ្ធភាពនិងឆាប់រហ័ស ។”
បក្សកាន់អំណាចរបស់ប្រទេសចិនបានដឹកនាំប្រជាជនធ្វើការប្រយុទ្ធប្រឆាំងនឹងជំងឺឆ្លងយ៉ាងមុតមាំ ឆាប់រហ័សនិងខ្លាំងក្លា ធ្វើឱ្យពិភពលោកមានចំណាប់អារម្មណ៍យ៉ាងជ្រាលជ្រៅ ។ នាពេលថ្មីៗកន្លងទៅនេះ លោក Heinz Dieterich បញ្ញវន្តសង្គមវិទ្យាដ៏ល្បីឈ្មោះនៃតំបន់អាមេរិកឡាទីនបានតែងអត្ថបទវិភាគថា រដ្ឋាភិបាលចិនធ្វើប្រតិបតិ្តការយ៉ាងខ្លាំងក្លាជាកត្តាកំណត់ដែលបានទប់ស្កាត់ការរីករាលដាលនៃជំងឺឆ្លង ។
ជាធម្មតា នៅលើពិភពលោក ទោះរឿងរ៉ាវអ្វីក៏មិនអាចមានភាពល្អឥតខ្ចោះទាំងស្រុងនោះឡើយ ។ ប្រឈមនឹងការវាយប្រហារពីករណីជំងឺឆ្លងយ៉ាងធ្ងន់ធ្ងរលើកនេះ មិនថា បស្ចិមប្រទេស ឬមួយក៏ប្រទេសកំពុងអភិវឌ្ឍន៍ សុទ្ធតែមានចន្លោះខ្វះខាតនិងបញ្ហាក្នុងគ្រាទប់ទល់នឹងហេតុការណ៍សនិ្តសុខសាធារណៈជាបន្ទាន់ ។ ទាក់ទិននឹងរឿងនេះ ថ្នាក់ដឹកនាំកំពូលនៃប្រទេសចិនក៏បានលើកឡើងយ៉ាងច្បាស់ថា “ឆ្លងតាមរយៈការងារបង្ការជំងឺឆ្លងលើកនេះ យើងត្រូវរៀនចេះដោះស្រាយបញ្ហាដែលកើតឡើងស្រដៀងគ្នា ។ ហេតុអ្វីបានជាបក្សកុម្មុយនិស្តចិនអាចទទួលបានជោគជ័យ គឺដោយសារចេះដកយកបទពិសោធជាមេរៀន កែតម្រូវខ្លួនឯង និងធ្វើឱ្យខ្លួនឯងមានភាពកាន់តែប្រសើរឡើង។”
