ថ្ងៃទី២៤ខែមេសា ករណីជំងឺធ្ងន់នៃអ្នកជំងឺកូវីដ១៩នៅក្រុងវូហានខេត្តហ៊ូប៉ីប្រទេសចិនបានជាសះស្បើយទាំងអស់ នៅថ្ងៃទី២៦ខែមេសា ករណីឆ្លងជំងឺកូវីដ១៩នៃក្រុងវូហានបានចេញពីមន្ទីរពេទ្យទាំងអស់។ចាប់ពីពេលរីករាលដាលខ្លាំងដែលរកឃើញករណីឆ្លងជំងឺជាង១ម៉ឺន៣ពាន់ករណីក្នុងមួយថ្ងៃរហូតដល់ពេលបច្ចុប្បន្ន ឆ្លងតាមរយៈការខិតខំប្រឹងប្រែងយ៉ាងលំបាកលំបិន ប្រជាជនទូទាំងប្រទេសរួមសុខរួមទុក្ខនិងសាមគ្គីគ្នាជាធ្លុងមួយដែលបានយកឈ្នះទៅលើការប្រយុទ្ធប្រឆាំងនឹងជំងឺកូវីដ១៩។
តើហេតុអ្វីបានជាប្រទេសចិនអាចទប់ទល់ដោយជោគជ័យនិងដោះស្រាយប្រកបដោយប្រសិទ្ធភាពនូវហេតុការណ៍សុខាភិបាលសាធារណៈជាបន្ទាន់ដ៏ធ្ងន់ធ្ងរលើកនេះក្នុងរយៈពេលដ៏ខ្លី?ចម្លើយគឺសាមញ្ញណាស់ ពោលគឺធ្វើអ្វីៗដើម្បីផលប្រយោជន៍របស់ប្រជាជន ធ្វើអ្វីៗដោយពឹងផ្អែកទៅលើប្រជាជន។
“សង្រ្គាមជួរមុខរបស់ប្រជាជន”ដែលប្រយុទ្ធប្រឆាំងនឹងជំងឺឆ្លងលើកនេះមានទីតាំងចំនួន២ មួយគឺមន្ទីរពេទ្យសម្រាប់ជួយសង្រ្គោះអ្នកឆ្លងជំងឺ មួយទៀតគឺសហគមន៍សម្រាប់បង្ការនិងគ្រប់គ្រងជំងឺឆ្លង ។មិនថានៅទីតាំងណាមួយ ការសាមគ្គីគ្នា ការចូលរួមចំណែកនិងការពលីជីវិតសុទ្ធតែជាពាក្យគន្លឹះ ។
នៅក្រោមការបញ្ជាដោយផ្ទាល់របស់លោកអគ្គលេខាធិការបក្សស៊ីជីនភីងនិងការសម្រេចចិត្តនិងរៀបចំចាត់ចែងរបស់មជ្ឈិមបក្សកុម្មុយនិស្តចិន ប្រទេសទាំងមូលបានប្រតិកម្មតបយ៉ាងឆាប់រហ័ស បានទទួលព្យាបាលនិងជួយសង្រ្គោះអ្នកជំងឺយ៉ាងដុតដៃដុតជើង ប្រទេសចិនបានចាត់វិធានការបង្ការនិងគ្រប់គ្រងជំងឺឆ្លងដ៏អង់អាចក្លាហានបំផុត រស់រវើកបំផុតនិងសកម្មបំផុតក្នុងប្រវត្តិសាស្រ្ត៕
