ក្រោមការចាត់ចែងរបស់គណៈកម្មាធិការសុខាភិបាលជាតិចិន នៅថ្ងៃទី ២៥ ខែមេសានេះ ក្រុមអ្នកជំនាញវេជ្ជសាស្រ្តចិនដែលទៅផ្តល់ជំនួយដល់ប្រទេសប៊ូគីណាហ្វាសូបានធ្វើការបណ្តុះបណ្តាលអំពីការបង្ការនិងគ្រប់គ្រងជំងឺCOVID-19តាមអនឡាញចំពោះក្រុមបុគ្គលិកពេទ្យចិនដែលទៅផ្តល់ជំនួយទៅប្រទេសជាច្រើននៅអាហ្រ្វិកខាងលិច ។
មានក្រុមបុគ្គលិកពេទ្យនិងគ្រូពេទ្យជំនាញដែលទៅផ្តល់ជំនួយដល់ប្រទេសអាហ្រ្វិកចំនួន ១៤ ដូចជាប្រទេសប៊ូគីណាហ្វាសូ នីហ្សេរីយ៉ា ហ្គីណេប៊ីសៅ និងសេណេហ្គាល់ជាដើមចំនួន ២៤២ នាក់បានចូលរួមវគ្គបណ្តុះបណ្តាលលើកនេះ ។
សូមបញ្ជាក់ថា វគ្គបណ្តុះបណ្តាលលើកនេះបានធ្វើក្រោមអធិបតីភាពរបស់លោកLiang Liang អនុប្រធានអ្នកជំនាញវេជ្ជសាស្រ្តចិន ។ គ្រូពេទ្យជំនាញទាំងនេះបានធ្វើការបណ្តុះបណ្តាលតាមអនឡាញក្រោមប្រធានបទដូចជា«ផែនការព្យាបាលជំងឺរលាកសួតបង្កឡើងដោយវីរុសកូរ៉ូណាប្រភេទថ្មី» និង«វិធីការពារខ្លួនសម្រាប់បុគ្គលិកពេទ្យក្នុងអំឡុងពេលរីករាលដាលនៃជំងឺCOVID-19»ជាដើម ព្រមនិងបានចែករំលែកបទពិសោធន៍នៃការព្យាបាលជំងឺCOVID-19របស់បុគ្គលិកពេទ្យដែលបានចូលរួមការងារសង្រ្គោះនិងព្យាបាលជំងឺឆ្លងនៅក្រុងវូហានទៀតផង ៕
