ថ្ងៃទី២៦ខែមេសា លោក Conte នាយករដ្ឋមន្រ្តីអ៊ីតាលីបានថ្លែងថា អ៊ីតាលីនឹងស្តារផលិតកម្មឡើងវិញជាបណ្តើរៗចាប់ពីថ្ងៃទី ៤ ខែឧសភាតទៅ ឧស្សាហកម្មផលិតកម្ម សំណង់និងការលក់ដុំនឹងដំណើរការឡើងវិញ។ ចាប់ពីថ្ងៃទី១៨ខែឧសភាតទៅមុខរបរលក់រាយ សារមន្ទីរ វិចិត្រសាលនិងបណ្ណាល័យនឹងរៀបចំអាជីវកម្មឡើងវិញ។ ចាប់ទីថ្ងៃទី១ខែមិថុនា បានីយដ្ឋាន ភោជនីយដ្ឋាន ហាងកាត់សក់និងហាងថែរក្សាសម្ផស្សនឹងធ្វើអាជីវកម្មឡើងវិញ។ លោកបានថ្លែងថា កន្លែងការងារទាំងអស់សុទ្ធតែត្រូវគោរពយ៉ាងម៉ឺងម៉ាត់តាមការកំណត់ខាងសុវត្ថិភាព។
លោក Conte បានប្រកាសទៀតថា ចាប់ពីថ្ងៃទី៤ខែឧសភាតទៅ អនុញ្ញាតឱ្យសាច់ញាតិទៅមកសួរសុខទុក្ខគ្នា ប៉ុន្តែត្រូវពាក់ម៉ាស់ សួនច្បារនិងបើកទ្វារឡើងវិញ អនុញ្ញាតឱ្យរៀបចំពិធីបុណ្យសព ប៉ុន្តែមនុស្សដែលចូលរួមមិនអាចលើសពី១៥នាក់ ហើយត្រូវរក្សាគម្លាតគ្នាជាដើម។
ម្យ៉ាងវិញទៀត លោក Conte បានសន្យាថានឹងផ្តល់ការគាំទ្រជាអតិបរមាដល់សកម្មភាពពាណិជ្ជកម្មនិងមុខរបរទេសចរណ៍ ដើម្បីជំរុញការអភិវឌ្ឍសេដ្ឋកិច្ច៕
