មួយសប្តាហ៍មុន ក្រុងវូហានបានផ្ទៀងផ្ទាត់និងកែតម្រូវទិន្នន័យនៃករណីជំងឺCOVID-19 រឿងនេះបែរជារងការចោទជាមន្ទិលសង្ស័យដោយគ្មានហេតុផលពីលោកត្រាំប្រធានាធិបតីអាមេរិកនិងប្រព័ន្ធសារព័ត៌មានមួយចំនួនថា ទិន្នន័យពិតប្រហែលខ្ពស់ជាងទិន្នន័យដែលត្រូវប្រកាស ។ ក៏ប៉ុន្តែអ្នកនាងXu Mengqi អ្នកសារព័ត៌មាននៃបណ្តាញCGTN បានសម្គាល់ថា មុនពេលធ្វើការវិនិច្ឆ័យលើអ្វីមួយ ជាបឋមគួរតែមើលថា តើប្រជាជននៅទីក្រុងមួយនេះបានការពារស្រុកកំណើតរបស់ខ្លួនដោយវិធីណា ។
ក្នុងអំឡុងពេលជំងឺCOVID-19រីករាលដាលខ្លាំង អាជ្ញាធរចិនបានចេញបទបញ្ជាឱ្យស្នាក់នៅផ្ទះដ៏ម៉ឺងម៉ាត់បំផុត ។ ទោះបីជាមើលទៅពិបាកអនុវត្ត តែបន្ទាប់មក យើងបានឃើញថា ប្រជាជនបានចូលរួមធ្វើតាមបទបញ្ជាមួយនេះនិងផ្តល់ជំនួយនិងការគាំទ្រដល់គ្នាទៅវិញទៅមក ។
ដោយសារជនសាមញ្ញរាប់លាននាក់បង់តម្លៃរបស់ខ្លួន ក្រុងវូហានទើបបានឆ្លងផុតដំណាក់កាលលំបាកបំផុត ហើយបានគ្រប់គ្រងការរីករាលដាលនៃជំងឺឆ្លងក្នុងរយៈពេល ២ ខែ ៕
