ថ្ងៃទី២៤ខែមេសា អង្គការនិងបុគ្គលជាង១ពាន់មកពីតំបន់នានាទូទាំងពិភពលោក ក្នុងនោះ បូករួមទាំងអង្គការសុប្បុរសធម៌ ស្ថាប័នសុខាភិបាលនិងអ្នកជំនាញវេជ្ជសាស្ត្រផង បានរួមគ្នាចុះហត្ថលេខាលើលិខិតមួយច្បា់ផ្ញើរទៅកាន់សេតវិមាន ដោយដាស់តឿនរដ្ឋាភិបាលលោកត្រាំឱ្យបន្តផ្តល់ថវិកាដល់អង្គការសុខភាពពិភពលោក។ កាលពីថ្ងៃទី១៤ខែមេសា លោកត្រាំប្រធានាធិបតីអាមេរិកបានប្រកាសផ្អាកផ្តល់ថវិកាដល់អង្គការសុខភាពពិភពលោក ទង្វើនេះបានរងការរិះគន់ពីគ្រប់ភាគី។
ក្នុងសារលិខិតបានសរសេរថា អង្គការសុខភាពពិភពលោកជាអង្គការតែមួយគត់ដែលមានសមត្ថភាពបច្ចេកទេសនិងទទួលបានការប្រគល់សិទ្ធិពីពិភពលោកទាំងមូល ហើយក្នុងគ្រាដ៏លំបាកនេះ អង្គការសុខភាពពិភពលោកបានផ្តល់ការគាំទ្រដល់ការងារទបល់ទល់បញ្ហាសុខាភិបាលសាធារណៈដល់ប្រទេសទាំងឡាយ។
ប្រព័ន្ធសន្តិសុខសុខាភិបាលជាសកលត្រូវការអង្គការសុខភាពពិភពលោក ហើយក៏ត្រូវការរដ្ឋាភិបាលអាមេរិកផ្តល់ការគាំទ្រដល់អង្គការសុខភាពពិភពលោកផងដែរ។ សេចក្តីសម្រេចចិត្តរបស់លោកត្រាំកំពុងបំផ្លិចបំផ្លាញអង្គការមួយដែលការពារសុខភាពប្រជាជនពិភពលោក នេះគឺជាបទល្មើសប្រឆាំងនឹងមនុស្សជាតិ។ លោកត្រាំគប្បីចាត់ចែងឡើងវិញភ្លាមៗនូវការផ្តល់ថវិកាដល់អង្គការសុខភាពពិភពលោក ព្រមនិងផ្តល់ការគាំទ្រគ្រប់ជ្រុងជ្រោយដោយគ្មានដាក់លក្ខខណ្ឌណាមួយដល់អង្គការនេះ៕