នាពេលថ្មីៗនេះ បណ្តាប្រទេសជាច្រើននៅអាស៊ីបានបន្តដាក់ចេញនូវវិធានការបន្ថែមទៀតដើម្បីទប់ទល់នឹងការរាតត្បាតនៃជំងឺកូវីដ ១៩ ។
តាមដំណឹងនៃក្រសួងសុខាភិបាលឥណ្ឌាបានឱ្យដឹងថា គិតត្រឹមវេលាម៉ោង ១៧ ល្ងាចថ្ងៃទី ២៥ ខែមេសា តាមម៉ោងនៅក្នុងតំបន់ ករណីអ្នកឆ្លងជំងឺកូវីដ ១៩ នៅឥណ្ឌាបានកើនឡើងដល់ ២៤.៩៤២ នាក់។នាពេលបច្ចុប្បន្ននេះ ប្រទេសឥណ្ឌានៅតែស្ថិតក្នុងស្ថានភាពបិទផ្លូវទូទាំងប្រទេសដែលបានបន្ធូរបន្ថយល្បឿនចម្លងនៃការរីករាលដាលនៃជំងឺនេះក្នុងកម្រិតមួយ។នាពេលថ្មីៗនេះ ប្រទេសឥណ្ឌាបានបង្កើនសមត្ថភាពធ្វើតេស្តនិងទទួលព្យាបាលអ្នកជំងឺរបស់ខ្លួនយ៉ាងខ្លាំង។
លោក Chan Chun Sing រដ្ឋមន្រ្តីក្រសួងពាណិជ្ជកម្មនិងឧស្សាហកម្មនៃប្រទេសសិង្ហបុរីបានថែ្លងកាលពីថ្ងៃទី ២៤ ខែមេសា ថា ប្រទេសសិង្ហបុរីគ្រោងផែនការនឹងអាចបើកដំណើរការសេដ្ឋកិច្ចជាបណ្តើរៗឡើងវិញក្នុងរយៈពេលប្រហែលមួយខែ ដូច្នេះ "ការធ្វើតេស្តលើវីរុសកូវីដ ១៩ ទ្រង់ទ្រាយធំចំពោះបណ្តាជនទាំងមូលនឹងត្រូវធ្វើឡើង ខណៈវិធានការដាក់ឱ្យនៅដាច់ដោយឡែកពីគេបន្ថែមទៀតនឹងត្រូវធ្វើឡើង"។
កាលពីថៃ្ងទី ២៤ ខែមេសា រដ្ឋាភិបាលកូរ៉េខាងត្បូងបានចេញផ្សាយសេចក្តីព្រាងនៃគោលការណ៍ណែនាំអំពីការបង្ការនិងគ្រប់គ្រងការរាតត្បាតនៃជំងឺឆ្លងក្នុងជីវភាពរស់នៅដោយបានរួមបញ្ជូលស្តង់ដារជាច្រើនដែលទាក់ទងនឹងការធ្វើដំណើរ ការងារ បរិភោគអាហារនិងការទិញទំនិញដើម្បីណែនាំបុគ្គលនិងក្រុមឱ្យសម្របខ្លួនកាន់តែល្អប្រសើរទៅនឹងស្ថានភាពជីវភាពរស់នៅនិងក្នុងការបង្ការនិងគ្រប់គ្រងការរីករាលដាលនៃជំងឺឆ្លង៕
