អ្នកឆ្លងកូវីដ-19 អាការធ្ងន់ធ្ងរចុងក្រោយនៃទីក្រុងវូហានបានជាសះស្បើយកាលពីថ្ងៃទី ២៤ ខែមេសា ។ ពីថ្ងៃទី ១៩ កុម្ភៈរៀងមក អត្រាជាសះស្បើយទូទៅនៃករណីកូវីដ19ក្នុងទីក្រុងវូហានសរុបដល់ 92.2% ខណៈអត្រាជាសះស្បើយនៃករណីដែលមានអាការធ្ងន់ធ្ងរមានដល់ទៅ 88.9 %។ លោក MaXiaowei ប្រធានគណៈកម្មាធិការសុខភិបាលនិងសុខភាពជាតិចិនបានថ្លែងថា ប្រទេសចិនបានរកឃើញហើយបូកសរុបបានបទពិសោធព្យាបាលករណីឆ្លងជំងឺកូវីដ19 ដែលមានអាការធ្ងន់ធ្ងរ ដែលនេះមានតម្លៃសំខាន់ អាចចែករំលែកជាមួយទូទាំងពិភពលោក។
លោក MaXiaowei បាននិយាយថា ចិនបានបង្កើតប្រព័ន្ធមួយចំនួនដូចជា ប្រព័ន្ធគ្រប់គ្រងការងារវេជ្ជសាស្រ ប្រព័ន្ធរាយការណ៍ករណីជំងឺ២៤ម៉ោងពេញ ២៤ ម៉ោង ប្រព័ន្ធពិភាក្សាករណីស្លាប់ គ្រូពេទ្យជំនាញការយាមល្បាតព្យាបាល ប្រព័ន្ធគ្រប់គ្រងការថែទាំអ្នកជំងឺតាមស្តង់ដារជាដើម។ ក្នុងបំណងផ្តល់សេវាព្យាបាលនិងថែទាំអ្នកជំងឺពីដើមដល់ចប់ពីការងារលម្អិតនីមួយៗ។ សម្រាប់លក្ខណៈពិសេសនៃការព្យាបាលមានដូចជា ៖ គួបផ្សំកម្លាំងវេជ្ជសាស្ត្រទាំងសមរភូជួរមុខនិងទូទាំងប្រទេស ដើម្បីពិភាក្សាពីគម្រោងសង្គ្រោះព្យាបាល, គួបផ្សំការព្យាបាលជាមួយនឹងការថែទាំទាំងផ្លូវកាយ ផ្លូវចិត្ត , គួបផ្សំការព្យាបាលជំងឺជាមួយនឹងការគ្រប់គ្រងជាទូទៅជាដើម៕