ថ្ងៃទី ២៤ ខែមេសាជាទិវាអវកាសចិន។ កាលពី ៥០ ឆ្នាំមុន ប្រទេសចិនបានបង្ហោះដោយជោគជ័យនូវផ្កាយរណប Dongfanghong-1 ដែលស្រាវជ្រាវនិងផលិតដោយប្រទេសចិនផ្ទាល់ជាលើកដំបូង។ នេះបានតំណាងថា បន្ទាប់ពីសហភាពសូវៀត សហរដ្ឋអាមេរិក បារាំង ជប៉ុន ប្រទេសចិនគឺជាប្រទេសទី ប្រាំ លើលោក ដែលមានសមត្ថភាពបង្ហោះផ្កាយរណបផលិតដោយផ្ទាល់ខ្លួនទៅលើអវកាសតាមរយៈរ៉ុក្កែតរបស់ខ្លួន។ ៥០ ឆ្នាំកន្លងមកនេះ អ្នកជំនាញអវកាសចិនបានខិតខំតស៊ូបន្តវេនគ្នាពីមួយជំនាន់ទៅមួយជំនាន់ ដែលបានបង្កើតនូវមាគ៌ាការអភិវឌ្ឍន៍អវកាសបែបច្នៃប្រឌិតថ្មីនិងប្រកបដោយលក្ខណៈពិសេសចិន។
៥០ ឆ្នាំកន្លងមកនេះ វិទ្យាស្ថានស្រាវជ្រាវបច្ចេកទេសអវកាសប្រទេសចិនបានស្រាវជ្រាវ ផលិតនិងបង្ហោះដោយជោគជ័យនូវយានអវកាសចំនួនជិត ៣០០ គ្រឿង ដោយចែកជា ៦ ប្រភេទធំៗ ពោលគឺ៖ យានអវកាសដឹកជញ្ជូនមនុស្ស យានអវកាសស្ទង់រុករកភពព្រះចន្ទនិងលំហអវកាសឆ្ងាយ ប្រព័ន្ធផ្កាយរណបណែនាំទិស Beidou យានអវកាសស្ទង់រុករកភពផែនដី ផ្កាយរណបទូរគមនាគមន៍និងផ្សព្វផ្សាយ បន្ទប់ពិសោធន៍បច្ចេកទេសនិងវិទ្យាសាស្ត្រអវកាស៕
