ទន្ទឹមនឹងការរាតត្បាតនៃជំងឺ COVID-19 នៅអាហ្វ្រិក ប៉ុន្មានថ្ងៃកន្លងទៅនេះ ប្រទេសចិនបានជួយឧបត្ថម្ភអាហ្វ្រិកជាបន្ទាន់ ដែលចាត់បញ្ជូនក្រុមអ្នកជំនាញវេជ្ជសាស្ត្រនិងបង្កើនកិច្ចសហប្រតិបត្តិការក្នុងវិស័យសុខាភិបាលសាធារណៈរវាងចិននិងអាហ្វ្រិកឱ្យមានភាពកាន់តែស៊ីជម្រៅ ។
ប៉ុន្មានថ្ងៃកន្លងទៅនេះ ក្រុមអ្នកជំនាញវេជ្ជសាស្ត្រចិនដែលទៅជួយទប់ទល់នឹងជំងឺឆ្លងនៅក្រុងប៊ូគីណាហ្វាសូបានទស្សនាមន្ទីរពេទ្យក្នុងតំបន់ជាច្រើន និងជួបសំណេះសំណាលជាមួយនឹងអ្នកជំនាញក្នុងតំបន់ ។
កាលពីថ្ងៃទី២២ខែមេសា កិច្ចប្រជុំផ្លាស់ប្តូរតាមប្រព័ន្ធវីដេអូអំពីការទប់ទល់នឹងជំងឺ COVID-19 រវាងអ្នកជំនាញចិននិងអ៊ូហ្គង់ដាបានបើកធ្វើនៅស្ថានទូតចិនប្រចាំនៅអ៊ូហ្គង់ដា ។
កាលពីថ្ងៃទី២១ខែមេសា សម្ភារៈទប់ទល់នឹងជំងឺឆ្លងជាជំនួយលើកទីពីររបស់សហគ្រាសចិនបានប្រគល់ឱ្យប្រទេសម៉ាលីហើយ ។ រដ្ឋាភិបាលម៉ាលីកោតសរសើរប្រទេសចិនដែលបានផ្តល់ការគាំទ្រនិងជួយឧបត្ថម្ភដោយពេញទំហឹងដែលបង្ហាញពីចំណងមិត្តភាពដ៏ស្មោះត្រង់បំផុត ។
កាលពីថ្ងៃទី២០ខែមេសា រដ្ឋាភិបាលហ្គាំប៊ីបានថ្លែងអំណរគុណដ៏ស្មោះចំពោះរដ្ឋាភិបាលនិងប្រជាជនចិនដែលផ្តល់ជំនួយជាសម្ភារៈទប់ទល់នឹងជំងឺឆ្លងដែលហ្គាំប៊ីត្រូវការបន្ទាន់ម្តងទៀតក្នុងដំណាក់កាលគន្លឹះដែលហ្គាំប៊ីកំពុងប្រយុទ្ធប្រឆាំងនឹងជំងឺឆ្លង ។
