ក្នុងដំណាក់កាលសំខាន់ដែលជំងឺកូវីដ-១៩កំពុងរីករាលដាលជាសកល ប្រទេសចិនបានផ្តល់ជំនួយឧបត្ថម្ភនិងការគាំទ្រតាមគ្រប់រូបភាពចំពោះប្រទេសជាច្រើនជាបន្តបន្ទាប់នាពេលកន្លងទៅនេះ ។ អ្នកនយោបាយអន្តរជាតិជាច្រើនបានថ្លែងអំណរគុណចំពោះប្រទេសចិន ហើយបានបង្ហាញពីភាពរីករាយក្នុងការបន្តចាប់ដៃគ្នាជាមួយប្រទេសចិនដើម្បីប្រយុទ្ធប្រឆាំងនឹងជំងឺឆ្លង ។
កាលពីថ្ងៃទី ២១ ខែមេសា រដ្ឋាភិបាលចិនបានបរិច្ចាគសម្ភារៈបង្ការជំងឺឆ្លងមួយចំនួនដល់លេខាធិការដ្ឋានអាស៊ានក្រុងហ្សាកាតា ។ លោកLim Jock Hoi អគ្គលេខាធិការអាស៊ានបានថ្លែងអំណរគុណចំពោះប្រទេសចិន ព្រមទាំងទទួលស្គាល់ពីកិច្ចសហប្រតិបត្តិការរវាងអាស៊ាននិងចិនក្នុងការរួមគ្នាប្រយុទ្ធប្រឆាំងនឹងជំងឺកូវីដ-១៩ ។ លោកបានថ្លែងថា តាំងពីផ្ទុះជំងឺកូវីដ-១៩មក អាស៊ាននិងចិនបានធ្វើកិច្ចសហប្រតិបត្តិការគ្នាយ៉ាងសកម្មក្នុងការប្រយុទ្ធប្រឆាំងនឹងជំងឺកូវីដ-១៩ទាំងថ្នាក់ជាតិនិងតំបន់ កាត់បន្ថយផលប៉ះពាល់ពីជំងឺឆ្លងលើសុខាភិបាលសាធារណៈ ពាណិជ្ជកម្មនិងទេសចរណ៍តាមរយៈការផ្លាស់ប្តូរបច្ចេកវិទ្យាដោយមានតម្លាភាពនិងទាន់ពេលវេលា ព្រមនិងការចែករំលែកព័ត៌មាន ៕
