ថ្ងៃទី២៣ខែមេសាជាទិវាអំណានពិភពលោកទី២៥ ។ បណ្ណាល័យនៅភូមិភាគស្វយ័ត Xizang ដែលឋិតនៅក្រុងឡាសា ភូមិភាគស្វយ័ត Xizang បានបើកធ្វើអាជីវកម្មឡើងវិញកាលពីថ្ងៃទី២១ខែមេសា ។ បណ្ណាល័យសាធារណៈនេះមានសៀវភៅជាង៤សែនក្បាល សៀវភៅបូរាណជាភាសាជនជាតិ Xizang និងឯកសារភាសាជនជាតិ Xizang លើសពី១៥០០០ ក្បាល ហើយជាមធ្យមមានអតិថិជនជាង១សែន២ម៉ឺននាក់ទៅអានសៀវភៅក្នុង១ឆ្នាំ ។ ក្នុងរយៈពេលកើតមានជំងឺឆ្លង បណ្ណាល័យនេះបានដាក់ចេញសេវាកម្មអានសៀវភៅតាមអនឡាញជាច្រើន សិស្សានុសិស្សអាចទទួលបានធនធានសៀវភៅ កសិករនិងអ្នកគង្វាលអាចប្រើទូរស័ព្ទដៃមើលឯកសារដូចជាមរតកវប្បធម៌អរូបីនិងរបាំប្រជាប្រិយជាដើមដែលរក្សាទុកក្នុងបណ្ណាល័យ ។
ប្រជាជនដែលស្នាក់នៅក្រុងវូលូមូឈី ភូមិភាគស្វយ័តវៃវូអឺ Xinjiang អាចអានសៀវភៅអេឡិចត្រូនិកចំនួន១២០០០ក្បាល មើលវីដេអូដោយមិនបង់ថ្លៃតាមអនឡាញដោយមិនបាច់ចេញពីផ្ទះ ។