តាមទិន្នន័យនៃសកលវិទ្យាល័យ Johns Hopkins អាមេរិកបានឱ្យដឹងថា គិតត្រឹមថ្ងៃទី ២១ ខែមេសាតាមម៉ោងភាគខាងកើតអាមេរិក ករណីឆ្លងជំងឺកូវីដ១៩នៅអាមេរិកមានដល់ទៅ ៨២ ម៉ឺនករណី ហើយករណីស្លាប់៤៤២២៨ នាក់ ។
ថ្ងៃដដែល លោកត្រាំ ប្រធានាធិបតីអាមេរិកបានប្រកាសថា អាមេរិកនឹងផ្អាកទទួលជនអន្តោប្រវេសន៍ជាបណ្តោះអាសន្នក្នុងរយៈពេល ៦០ ថ្ងៃ ។ ព្រមជាមួយនេះ អាមេរិកនឹងពន្លឿនការបញ្ជូនជនអន្តោប្រវេសន៍ខុសច្បាប់ត្រឡប់ទៅវិញ ។
ថ្ងៃដដែល លោកRobert Redfield ប្រធានមជ្ឈមណ្ឌលគ្រប់គ្រងជំងឺឆ្លងអាមេរិកបានថ្លែងថា ដោយសាររដូវផ្តាសាយនិងជំងឺកូវីដ១៩កើតឡើងផ្ទួនគ្នា វាប្រហែលនាំមកនូវកម្លាំងសម្ពាធដែលមិនអាចនឹកស្មានដល់ចំពោះប្រព័ន្ធវេជ្ជសាស្ត្រអាមេរិក ៕
