កាលពីថ្ងៃទី ២១ ខែមេសា លោក Guterres អគ្គលេខាធិការអង្គការសហប្រជាជាតិបានចេញសេចក្តីថ្លែងការណ៍មួយ ដើម្បីថ្កោលទោសយ៉ាងខ្លាំងចំពោះហេតុការណ៍វាយប្រហារទៅលើរថយន្តដឹកជញ្ជូនគំរូវីរុសកូវីដ ១៩ មួយគ្រឿងរបស់អង្គការសុខភាពពិភពលោកនៅក្នុងខេត្ត Rakhine ប្រទេសមីយ៉ាន់ម៉ាកាលពីថ្ងៃទី ២០ ខែមេសា ។ បុគ្គលិកម្នាក់នៃអង្គការសុខភាពពិភពលោកត្រូវបានសម្លាប់ និងមន្ត្រីរដ្ឋាភិបាលមីយ៉ាន់ម៉ាម្នាក់ទៀតត្រូវរងរបួសនៅក្នុងហេតុការណ៍វាយប្រហារលើកនេះ ។ លោក Guterres បានអំពាវនាវឱ្យធ្វើការស៊ើបអង្កេតគ្រប់ជ្រុងជ្រោយប្រកបដោយតម្លាភាពចំពោះហេតុការណ៍នេះ ព្រមទាំងផ្តន្ទាទោសតាមច្បាប់ចំពោះជនបង្ក ។
