អង្គការសុខភាពពិភពលោកបានរំលឹកជាថ្មីម្តងទៀតនៅថ្ងៃទី ២០ ខែមេសាថា ទោះបីជាប្រទេសមួយចំនួនមានផែនការបន្ធូរវិធានការគ្រប់គ្រងនិងបង្ការការរាតត្បាតនៃជំងឺកូវីដ19ក្តី ក៏ប៉ុន្តែ ការនេះមិនមានន័យថា ជំងឺឆ្លងនេះបានបញ្ចប់នោះទេ។ មនុស្សគ្រប់រូប សហគមន៍ និងរដ្ឋាភិបាលត្រូវបន្តខិតខំទប់ស្កាត់និងគ្រប់គ្រងជំងឺឆ្លងដ៏សាហាវមួយនេះតទៅទៀត ។
អង្គការសុខភាពពិភពលោកបានអំពាវនាវថា គ្រប់ប្រទេសចាំបាច់ត្រូវបន្តខិតខំតាមដានស្វែងរក ធ្វើតេស្ត ដាក់ឱ្យនៅដាច់ដោយឡែក ថែទាំព្យាបាលករណីឆ្លងនីមួយៗ ព្រមទាំងបន្តតាមដានរាល់អ្នកប៉ះពាល់ផ្ទាល់ផងដែរ។