អនុលោមតាមចំណុចទី៤មាត្រាទី៣៨នៃ«ច្បាប់បង្ការនិងគ្រប់គ្រងជំងឺឆ្លងរបស់សាធារណរដ្ឋប្រជាមានិតចិន» ចំណុចទី២៥មាត្រាទី៣នៃ «លក្ខន្តិកៈអនុវត្តច្បាប់ស្ថិតិនៃសាធារណរដ្ឋប្រជាមានិតចិន» មាត្រាទី១៤និងមាត្រាទី១៥នៃ«បទដ្ឋានគ្រប់គ្រងការកត់ត្រាអំពីព័ត៌មានរបស់មនុស្សស្លាប់បាត់បង់ជីវិត»( អនុវត្តជាបណ្តោះអាសន្ន)ជាដើម ព្រមនិងអនុលោមតាមគោលការណ៍មានទំនួលខុសត្រូវចំពោះប្រវតិ្តសាស្ត្រ និងអ្នកស្លាប់បាត់បង់ជីវិត ដើម្បីធានាប្រការព័ត៌មានពាក់ព័ន្ធនឹងជំងឺកូវីដ១៩នៃក្រុងទាំងមូលឱ្យមានភាពបើកចំហរនិងមានតួលេខទៀងទាត់ បញ្ជាការដ្ឋានបង្ការនិងគ្រប់គ្រងជំងឺកូវីដ១៩នៃក្រុងវូហាន បានបង្កើតក្រុមពិនិត្យអង្កេតទិន្នន័យនៃជំងឺឆ្លងនិងវេជ្ជសាស្ត្រជំងឺឆ្លងជាពិសេស ព្រមទាំងបានរៀបចំស្ថាប័នសុខាភិបាល គ្រប់គ្រងជំងឺ សន្តិសុខសាធារណៈ កិច្ចការស៊ីវិល តុលាការនិងស្ថិតតួលេខជាដើម ដើម្បីធ្វើការងារប្រៀបធៀប លុបចោលតួលេខត្រួតគ្នា និងបន្ថែមតួលេខខ្វះខាតតាមអនឡាញចំពោះទិន្នន័យករណីក្នុងប្រព័ន្ធព័ត៌មានទិន្នន័យនៃការងារបង្ការនិងគ្រប់គ្រងជំងឺឆ្លង ប្រព័ន្ធព័ត៌មានអំពីការងារបុណ្យសព ប្រព័ន្ធព័ត៌មានអំពីជំងឺកូវីដ១៩នៃគ្រឹះស្ថានពេទ្យនិងស្ថាប័នគ្រប់គ្រងមន្ទីរពេទ្យ និងប្រព័ន្ធធ្វើតេស្តវីរុសកូវីដ១៩ រីឯក្នុងការងារជាក់ស្តែង បានតម្រូវឱ្យប្រមូលបានទិន្នន័យដោយគ្រប់ជ្រុងជ្រោយនិងគ្មានការកង្វះខាត ។ប្រមូលទិន្នន័យទាំងអស់នៃកន្លែងដែលបានផ្ទុះជំងឺឆ្លង ក្នុងនោះបូករួមទាំងផ្នែកព្យាបាលគ្រុនក្តៅនៃមន្ទីរពេទ្យ មន្ទីរពេទ្យ មន្ទីរពេទ្យបណ្តោះអាសន្ន កន្លែងដាក់គេនៅដាច់ដោយឡែក សហគមន៍ដែលមានអ្នកឆ្លងជំងឺ ក៏ដូចជាកន្លែងពិសេសដូចជាពន្ធាគារ អង្គការចិញ្ចឹមមនុស្សចាស់ជរាជាដើមដែលគ្រប់គ្រងដោយស្ថាប័នសន្តិសុខសាធារណៈ យុត្តិធម៌ និងកិច្ចការស៊ីវិលជាដើម ។ ប្រមូលព័ត៌មាននៃអ្នកឆ្លងជំងឺទាំងអស់ ធ្វើការត្រួតពិនិត្យចំពោះអ្នកជំងឺតាមរយៈអង្គការវេជ្ជសាស្រ្ត សហគមន៍ស្នាក់នៅ ប៉ុស្តិ៍នគរបាលនៅមូលដ្ឋាន អង្គភាពធ្វើការ និងក្រុមគ្រួសាររបស់អ្នកជំងឺ ។ គិតរហូតមកទល់វេលាម៉ោង ២៤ យប់ថ្ងៃទី ១៦ ខែមេសា បានបញ្ជាក់ថា មានករណីឆ្លងជំងឺថ្មី ៣២៥ នាក់ ផ្ទៀងផ្ទាត់ចំនួនករណីឆ្លងជំងឺសរុបគឺ ៥០៣៣៣ នាក់ មានករណីស្លាប់ថ្មី ១២៩០ នាក់ ផ្ទៀងផ្ទាត់ចំនួនករណីស្លាប់សរុបគឺ ៣៨៦៩ នាក់ ។
មូលហេតុដែលបណ្តាលឱ្យទិន្នន័យមានភាពខុសគ្នាដូចខាងលើ គឺទី ១ នៅដំណាក់កាលដំបូង ចំនួនអ្នកឆ្លងជំងឺបានកើនឡើងលឿនពេក បណ្តាលឱ្យគ្រឹះស្ថានពេទ្យគ្មានសមត្ថភាពព្យាបាលឱ្យបានគ្រប់គ្រាន់ មានអ្នកឆ្លងជំងឺមួយចំនួនមិនបានទទួលការព្យាបាលនៅមន្ទីរពេទ្យ និងស្លាប់បាត់បង់ជីវិតក្នុងផ្ទះ។ ទី២ គឺក្នុងរយៈពេលកំពូលនៃការសង្គ្រោះព្យាបាល មន្ទីរពេទ្យបានដំណើរការដោយលើសពីសមត្ថភាព បុគ្គលិកពេទ្យជាប់រវល់នឹងការសង្គ្រោះព្យាបាលអ្នកជំងឺ ជាការពិតជាក់ស្តែងបណ្តាលឱ្យមានសភាពការណ៍ដែលរាយការណ៍ដោយយឺតយ៉ាវ រាយការណ៍មិនបានសព្វគ្រប់និងរាយការណ៍ដោយច្រឡំជាដើម។ ទី៣គឺដោយសារមន្ទីពេទ្យដែលកំណត់ឱ្យទទួលព្យាបាលអ្នកជំងឺបានកើនឡើងយ៉ាងលឿន ក្នុងនោះមានមន្ទីរពេទ្យក្រោមឱវាទក្រសួង ខេត្ត ទីក្រុងនិងខណ្ឌ ហើយក៏មានមន្ទីរពេទ្យរបស់សហគ្រាស មន្ទីរពេទ្យធ្វើឯកជននិងមន្ទីរពេទ្យបណ្តោះអាសន្នជាដើម ដូច្នេះស្ថាប័នសុខាភិបាលមួយចំនួនតិចមិនបានតភ្ជាប់ដោយទាន់ពេវេលាជាមួយបណ្តាញព័ត៌មានករណីជំងឺឆ្លងនិងរាយការណ៍ព័ត៌មានឱ្យបានទាន់ពេលវាលា។ ទី៤គឺមិនបានចុះបញ្ជីដោយពេញលេញនូវព័ត៌មានស្តីពីករណីអ្នកជំងឺ ក្នុងការធ្វើស្ថិតិបានរាយការណ៍ស្ទួនននិងរាយការណ៍ដោយច្រឡំ។
ជីវិតរបស់មនុស្សគឺមានភាពថ្លៃថ្លាបំផុត ប្រជាជនគឺសំនាន់បំផុត។ អាយុជីវិតដែលបានបាត់បង់ដោយសារជំងឺឆ្លងធ្វើឱ្យគ្រួសារឈឺចាប់សោកសៅ ហើយកាន់តែធ្វើឱ្យទីក្រុងសោកសៅថែមទៀត។ នៅទីនេះ យើងខ្ញុំសូមសម្តែងការសួរសុខទុក្ខយ៉ាងស្មោះចំពោះគ្រួសាររបស់អ្នកជំងឺដែលបានស្លាប់ដោយសារជំងឺកូវីដ១៩ ក៏ដូចជាសម្តែងមរណទុក្ខយ៉ាងជ្រាលជ្រៅចំពោះបងប្អូនជនរួមជាតិដែលស្លាប់បាត់បង់ជីវិតនិងបុគ្គលិកពេទ្យដែលពលីជីវិតដោយសារជំងឺកូវីដ១៩!
បញ្ជាការដ្ឋានបង្ការនិងគ្រប់គ្រងជំងឺកូវីដ១៩នៃក្រុងវូហាន
ថ្ងៃទី១៧ ខែមេសា ឆ្នាំ២០២០