ព្រឹកថ្ងៃទី១៥ខែមេសា លោក ជុង ណានសាន ប្រធានក្រុមអ្នកជំនាញជាន់ខ្ពស់នៃគណៈកម្មាធិការសុខាភិបាលជាតិចិន និងជាវេជ្ជបណ្ឌិតនៃបណ្ឌិត្យសភាវិស្វកម្មចិនបានធ្វើកិច្ចសំណេះសំណាលផ្លាស់ប្តូរមតិយោបល់ជាមួយជនបរទេស១៩នាក់ដែលធ្វើការនិងសិក្សានៅក្រុងក្វាំងចូវប្រទេសចិន ដោយបានធ្វើបទបង្ហាញអំពីវិធានការនៃការបង្ការនិងគ្រប់គ្រងជំងឺ COVID-19 របស់ប្រទេសចិន ព្រមនិងឆ្លើយសំណួររបស់ពួកគេផងដែរ។
ប៉ុន្មានថ្ងៃជាប់ៗមកនេះ សម្ពាធនៃការបង្ការអ្នកឆ្លងជំងឺ COVID-19ចូលដែនចិនបានកើនឡើង ក្នុងពេលជួបសំណេះសំណាលលើកនេះលោកវេជ្ជបណ្ឌិត ជុងណានសាន បានឧទ្ទេសនាមពីបទពិសោធដែលប្រទេសចិនទទួលបានក្នុងការព្យាបាលជំងឺ COVID-19 ហើយបានថ្លែងថាមនុស្សជាតិគួរតែរៀនចេះនូវការរស់នៅដោយស៊ីចង្វាក់គ្នាជាមួយធម្មជាតិ បណ្តាប្រទេសលើពិភពលោកគួរចាប់ដៃគ្នាដើម្បីទប់ស្កាត់ជំងឺ COVID-19 ។ ក្រៅពីការជួយគ្នាទៅវិញទៅមកដោយផ្តល់សម្ភារៈសម្រាប់ទប់ស្កាត់ជំងឺឆ្លងមួយចំនួន សំខាន់គឺធ្វើការផ្លាស់ប្តូរផ្នែកវេជ្ជសាស្រ្តឱ្យបានកាន់តែច្រើន ដើម្បីចៀងវាងប្រទេសនិងតំបន់ដទៃទៀតដើរតាមផ្លូវខុស៕
