នាពេលថ្មីៗកន្លងទៅនេះ ពេលផ្តល់បទសម្ភាសន៍ជាមួយអ្នកសារព័ត៌មាននៃអគ្គស្ថានីយវិទ្យុនិងទូរទស្សន៍មជ្ឈិមចិនស្តីពីខួបទី៧០នៃការបង្កើតទំនាក់ទំនងការទូតរវាងចិននិងឥណ្ឌូណេស៊ី លោក Oratmangunឯកអគ្គរដ្ឋទូតប្រទេសឥណ្ឌូណេស៊ីប្រចាំនៅប្រទេសចិនបានកោតសរសើរពីវិធានការដ៏មានប្រសិទ្ធភាពរបស់ប្រទេសចិនដើម្បីទល់ទល់នឹងជំងឺឆ្លង ដែលទទួលបានសមិទ្ធផលគួរឱ្យកត់សម្គាល់ ។ លោកសម្គាល់ឃើញថា បទពិសោធន៍ដ៏ជោគជ័យនៃប្រទេសចិនបានបង្ហាញឱ្យឃើញថា ជំងឺកូវីដ១៩អាចបង្ការនិងគ្រប់គ្រងបាន ប្រការទាំងនេះមិនគ្រាន់តែធ្វើឱ្យសហគមន៍អន្តរជាតិមានជំនឿចិត្តលើការយកឈ្នះលើជំងឺឆ្លងប៉ុណ្ណោះទេ ថែមទាំងមានតម្លៃសម្រាប់ប្រទេសដទៃទៀតយកទៅសិក្សារៀនសូត្រផងដែរ ។
សូមបញ្ជាក់ថា ខណៈពេលធ្វើការងារបង្ការនិងគ្រប់គ្រងជាប្រក្រតីឱ្យបានល្អ ប្រទេសចិនក៏បានសកម្មជំរុញការងារស្តារផលិតកម្មឡើងវិញដោយគ្រប់ជ្រុងជ្រោយផងដែរ ។ ទាក់ទិននឹងការនេះ លោកOratmangun បានរំពឹងថា បន្ទាប់ពីយកឈ្នះលើជំងឺឆ្លង ប្រទេសចិនអាចបន្តដើរតួនាទីនាំមុខជាវិជ្ជមានក្នុងវិស័យសេដ្ឋកិច្ចពិភពលោក រួមសហការជាមួយប្រទេសដទៃទៀត ដើម្បីជំរុញការស្តារឡើងវិញនូវសេដ្ឋកិច្ចតំបន់និងសេដ្ឋកិច្ចពិភពលោកក្នុងពេលឆាប់ៗ ៕
