ប៉ុន្មានថ្ងៃកន្លងទៅនេះ ស្ថានទូតប្រទេសចិនប្រចាំនៅប្រទេសជាច្រើននៃទ្វីបអាហ្វ្រិក សហគ្រាសប្រទេសចិននិងជនជាតិចិននៅបរទេសបានធ្វើកិច្ចសហប្រតិបត្តិការយ៉ាងសកម្មជាមួយប្រទេសពាក់ព័ន្ធតាមវិធីគ្រប់បែបយ៉ាង ដើម្បីទប់ស្កាត់នឹងជំងឺកូវីដ-១៩។
ថ្ងៃទី១៤ ខែមេសា តាមម៉ោងក្នុងតំបន់ ស្ថានទូតប្រទេសចិនប្រចាំនៅណាមមីបៀបានអញ្ជើញអ្នកជំនាញវេជ្ជសាស្ត្ររបស់ខេត្តJiangsu ដើម្បីរៀបចំធ្វើសន្និសីទតាមរយៈប្រព័ន្ធ
វីដេអូជាមួយអ្នកជំនាញវេជ្ជសាស្ត្ររបស់ណាមមីបៀ។ភាគីណាមីបៀបានថ្លែងថា ការផ្លាស់ប្តូរបទពិសោធន៍លើកនេះបានដោះស្រាយបញ្ហាជាបន្ទាន់របស់ណាមីបៀ។
នៅថ្ងៃទី១៧ ខែមេសា ស្ថាប័នសិក្សាស្រាវជ្រាវរបស់ប្រទេសចិននិងអាហ្វ្រិកនឹងរៀបចំធ្វើសន្និសីទអន្តរជាតិតាមរយៈប្រព័ន្ធវីដេអូស្តីពីការប្រយុទ្ធប្រឆាំងនឹងជំងឺកូវីដ-១៩និងជាសន្និសីទប្រកាសសៀវភៅផ្តួចផ្តើមចម្រុះស្តីពីប្រទេសចិននិងប្រទេសអាហ្វ្រិករួមសាមគី្គគ្នាយ៉ាងជិតស្និទ្ធដើម្បីប្រយុទ្ធប្រឆាំងនឹងជំងឺកូវីដ-១៩ ក្នុងន័យបង្កើនការវិភាគ សិក្សាស្រាវជ្រាវនិងវិនិច្ឆ័យព្រមនិងការអនុវត្តគោលនយោបាយចំគោលដៅចំពោះបច្ចុប្បន្នភាពនៃករណីជំងឺកូវីដ-១៩នៅអាហ្វ្រិក ដើម្បីជំរុញការផ្លាស់ប្តូរនិងកិច្ចសហប្រតិបត្តិការរវាងប្រទេសចិននិងអាហ្វ្រិក។
ក្រៅពីនេះ សហគ្រាសប្រទេសចិននិងជនជាតិចិននៅអាហ្វ្រិកក៏សកម្មបរិច្ចាគសម្ភារៈសម្រាប់ទប់ទល់នឹងជំងឺឆ្លងដល់អាហ្វ្រិកផងដែរ៕