កាលពីថ្ងៃទី ៩ ខែមេសា អ្នកស្រាវជ្រាវអង់គ្លេសនិងអាល្លឺម៉ង់បានប្រកាសរបាយការណ៍ស្រាវជ្រាវរួមមួយស្តីពីការរកប្រភពនៃជំងឺកូវីដ១៩នៅលើកាសែតthe Proceedings of the National Academy of Sciences ។ លទ្ធផលបានបង្ហាញថា មេរោគនេះដែលកំពុងរាតត្បាតលើប្រទេសជាច្រើននៃពិភពលោកនាពេលបច្ចុប្បន្នបានឆ្លងកាត់ការវិវឌ្ឍជាច្រើនលើក ប្រភេទដើមបង្អស់ភាគច្រើនត្រូវរកឃើញនៅអាមេរិកនិងអូស្ត្រាលី ។
ការស្រាវជ្រាវនេះបានប្រើប្រាស់ទិន្នន័យហ្សែននៃមេរោគពេញលេញចំនួន ១៦០ នៃបណ្តាតំបន់នានាលើពិភពលោកអំឡុងពេលពីថ្ងៃទី ២៤ ខែធ្នូឆ្នាំ ២០១៩ ដល់ថ្ងៃទី ៤ ខែមីនាឆ្នាំ ២០២០ ដោយបានរកឃើញថាមេរោគកូវីដ១៩មានរូបភាពវិវឌ្ឍន៍ចំនួន ៣ ដែលខុសគ្នាតែមានទំនាក់ទំនងជិតស្និទ្ធ ដោយបានដាក់ឈ្មោះថា ប្រភេទA B និងCរៀងៗខ្លួន ។
អ្នកស្រាវជ្រាវហៅមេរោគប្រភេទA ជាប្ញសគល់នៃជំងឺកូវីដ១៩ ។ មេរោគប្រភេទBវិវឌ្ឍន៍ពីមេរោគប្រភេទA ហើយមេរោគប្រភេទC មកពីមេរោគប្រភេទB ។
អ្នកស្រាវជ្រាវរកឃើញបន្ថែមថា រូបភាពវិវឌ្ឍន៍នៃមេរោគប្រភេទAធ្លាប់ត្រូវធ្វើតេស្តឃើញនៅលើខ្លួនជនអាមេរិកដែលធ្លាប់ស្នាក់នៅក្រុងវូហាន ប៉ុន្តែមេរោគនេះក៏ត្រូវធ្វើតេស្តរកឃើញជាច្រើននៅលើខ្លួនអ្នកជំងឺនៃអាមេរិកនិងអូស្ត្រាលីដែរ ។ មេរោគប្រភេទBជាប្រភេទសំខាន់នៃមេរោគនៅតំបន់អាស៊ីបូព៌ា រួមទាំងក្រុងវូហានផង សឹងតែរកឃើញនៅអាស៊ីបូព៌ាទាំងអស់ អ្នកស្រាវជ្រាវសង្ស័យថាប្រហែលមនុស្សដែលរស់នៅក្នុងតំបន់ក្រៅអាស៊ីបូព៌ាមានកម្លាំងវ៉ាក់សាំងចំពោះវា ។ មេរោគប្រភេទC ជាប្រភេទសំខាន់នៃអឺរ៉ុប ប៉ុន្តែមិនមាននៅមហាដីគោកចិនទេ ។
ការស្រាវជ្រាវសម្គាល់ថា ករណីឆ្លងជំងឺកូវីដ១៩ទី ១ និងការឆ្លងរវាងមនុស្សនិងមនុស្សមុនបំផុតប្រហែលនៅអំឡុងកណ្តាលខែកញ្ញាដល់ដើមខែធ្នូឆ្នាំ ២០១៩ ៕
