យោងតាមទិន្នន័យចុងក្រោយដែលប្រកាសដោយអង្គការសុខភាពពិភពលោកកាលពីថៃ្ងទី ១០ ខែមេសា បានឱ្យដឹងថា ករណីឆ្លងជំងឺកូវីដ ១៩ នៅទូទាំងពិភពលោក គឺ លើសពី ១៥០ ម៉ឺននាក់។
លោកTedros Adhanom Ghebreyesus ប្រធានអង្គការសុខភាពពិភពលោកបានថែ្លងនៅក្រុងហ្សឺណែវនាថៃ្ងដដែលនោះថា ការលុបចោលវិធានការរឹតត្បិតនានា ដូចជា ការដាក់នៅដាច់ដោយឡែកពីគេនៅផ្ទះជាដើមអាចមានលទ្ធភាពធ្វើឱ្យជំងឺកូវីដ ១៩ រីករាលដាលជាថ្មីម្តងទៀតនៅទូទាំងពិភពលោក។កាលពីសប្តាហ៍មុន ករណីឆ្លងជំងឺកូវីដ ១៩ ថ្មីបានថយចុះនៅក្នុងប្រទេសអេស្ប៉ាញ អ៊ីតាលី អាល្លឺម៉ង់និងបារាំងដែលជាបណ្តាប្រទេសអឺរ៉ុបដែលមានសភាពជំងឺឆ្លងធ្ងន់ធ្ងរបំផុត។ប៉ុន្តែជាមួយគ្នានេះ វីរុសជំងឺនេះកំពុងតែរីករាលដាលនៅតាមជនបទនៅទ្វីបអាហ្រ្វិក។អង្គការសុខភាពពិភពលោកស្នើឱយបណ្តាប្រទេសនានាគួរតែផ្តោតសំខាន់លើកត្តាមួយចំនួន ដូចជា ការគ្រប់គ្រងការរីករាលដាលនៃជំងឺកូវីដ ១៩ និងធានាបាននូវសេវាកម្មផែ្នកសុខភាពសាធារណៈនិងវេជ្ជសាស្ត្រឱ្យបានគ្រប់គ្រាន់ជាដើម៕
