យោងតាមរបាយការណ៍ដែលប្រកាសដោយធនាគារពិភពលោកកាលពីថ្ងៃទី ៩ ខែមេសា បានឱ្យដឹងថា ដោយសាររងផលប៉ះពាល់ពីការរីករាលដាលនៃជំងឺកូវីដ ១៩ បានជាសេដ្ឋកិច្ចនៃអនុតំបន់សាហារ៉ាអាហ្វ្រិកត្រូវបានព្យាករណ៍ថា នឹងធ្លាក់ចុះពីចន្លោះ ២,១ ភាគរយទៅ ៥,១ ភាគរយក្នុងឆ្នាំ ២០២០ ។នេះជាការធ្លាក់ចុះលើកដំបូងនៃតំបន់នេះក្នុងរយៈពេល ២៥ ឆ្នាំកន្លងមក។
លោក Albert សេដ្ឋវិទូទីមួយនៃធនាគារពិភពលោកប្រចាំនៅទ្វីបអាហ្វ្រិកបានថែ្លងថា ដើម្បីទប់ទល់នឹងការរីករាលដាលនៃជំងឺកូវីដ ១៩ បណ្តាប្រទេសនានានៅតំបន់អាហ្វ្រិកបានចាត់វិធានការបង្ការនិងគ្រប់គ្រងយ៉ាងសកម្ម ហើយបានដាក់ចេញជាបន្ទាន់នូវគោលនយោបាយផែ្នកហិរញ្ញវត្ថុនិងរូបិយវត្ថុដើម្បីកាត់បន្ថយផលប៉ះពាល់នៃជំងឺនេះទៅលើវិស័យសេដ្ឋកិច្ចនិងសង្គម៕
