យោងតាមរបាយការណ៍ប្រចាំថៃ្ងអំពីករណីជំងឺកូវីដ ១៩ ដែលប្រកាសដោយអង្គការសុខភាពពិភពលោកបានឱ្យដឹងថា គិតត្រឹមវេលាម៉ោង ១០ ថ្ងៃទី ៩ ខែមេសា តាមម៉ោងភាគកណ្តាលអឺរ៉ុប ពិភពលោកទាំងមូលបានរកឃើញអ្នកឆ្លងថ្មីនៃជំងឺកូវីដ ១៩ កើនឡើង ៨២៨៣៧ ករណី សរុបដល់ទៅ ១.៤៣៦.១៩៨ ករណីនិងករណីស្លាប់កើនឡើង ៦២៨៧ ករណី សរុបដល់ទៅ ៨៥៥២២ នាក់។
លោក Angelo Borrelli អ្នកទទួលខុសត្រូវនៃស្ថាប័នការពារជនស៊ីវិលអ៊ីតាលីបានថែ្លងកាលពីថ្ងៃទី ៩ ខែមេសា ថា គិតរហូតដល់វេលាម៉ោង ១៨ ល្ងាចថ្ងៃដដែល ករណីឆ្លងជំងឺកូវីដ ១៩ នៅទូទាំងប្រទេសអ៊ីតាលី បានកើនឡើងដល់ ១៤៣.៦២៦ នាក់ ករណីស្លាប់បានកើនឡើងដល់ ១៨.២៧៩ នាក់។ករណីឆ្លងមានអាការោគដ៏ធ្ងន់ធ្ងរថយចុះ ៨៨ ករណីប្រើប្រៀបធៀបនឹងថ្ងៃម្សិលដែលជាការថយចុះក្នុងរយៈពេល ៦ ថ្ងៃជាប់ៗគ្នា។
គិតត្រឹមវេលាម៉ោង ២២ ថ្ងៃទី ៩ ខែមេសា តាមម៉ោងនៅក្នុងតំបន់ ករណីឆ្លងជំងឺកូវីដ ១៩ នៅទូទាំងប្រទេសអាល្លឺម៉ង់សរុប ១១៦១២៧ ករណី ករណីជាសះស្បើយ ចំនួន ៣៩៥២៩ នាក់និងករណីស្លាប់ ២៤២៥ នាក់។លោកស្រី Angela Dorothea Merkel នាយករដ្ឋមន្រ្តីអាល្លឺម៉ង់បានថែ្លងនាថៃ្ងដដែលនោះថា ករណីឆ្លងថ្មីនៃជំងឺកូវីដ ១៩ នៅអាល្លឺម៉ង់បានថយចុះបន្តិចហើយ។ជាមួយគ្នានេះ លោកស្រីក៏បានព្រមាន កុំឱ្យធ្វេសប្រហែសបាត់បង់ការប្រុងប្រយ័ត្ន។
កាលពីថ្ងៃទី ៩ ខែមេសា ប្រទេសបារាំងបានរកឃើញអ្នកឆ្លងថ្មីនៃជំងឺកូវីដ ១៩ ចំនួន ៤៧៩៩ ករណីដែលសរុបដល់ទៅ១១៧.៧៤៩ករណី ករណីស្លាប់ ១២២១០ នាក់។លើសពីនេះទៅទៀត ទំហំនៃផែនការជំនួយហិរញ្ញវត្ថុបន្ទាន់របស់បារាំងនឹងកើនឡើងពី ៤៥ ពាន់លានអឺរ៉ូដល់ ១០០ ពាន់លានអឺរ៉ូដើម្បីឆ្លើយតបនឹងការធ្លាក់ចុះនៃសេដ្ឋកិច្ចដែលបណ្តាលមកពីការរាតត្បាតនៃជំងឺកូវីដ ១៩ ៕
