កាលពីថ្ងៃទី៩ខែមេសា លោកស្រី Kristalina Georgieva អគ្គនាយិកានៃអង្គការមូលនិធិរូបិយវត្ថុអន្តរជាតិបានថ្លែងថា សេដ្ឋកិច្ចទូទាំងពិភពលោកនៅឆ្នាំ២០២០នឹងធ្លាក់ទៅរកកំណើនអវិជ្ជមានយ៉ាងគំហុកដោយរងឥទ្ធិពលពីជំងឺកូវីដ១៩ អង្គការមូលនិធិរូបិយវត្ថុអន្តរជាតិបានព្យករណ៍ថា សេដ្ឋកិច្ចនឹងលេចចេញភាពអាប់អួរបំផុតតាំងពីវិបត្តិសេដ្ឋកិច្ចពិភពលោកឆ្នាំ១៩៣០មក។
លោកស្រី Kristalina Georgieva បន្តថា ជំងឺកូវីដ១៩កំពុងធ្វើឱ្យប៉ះពាល់របៀបរៀបរយនៃសង្គមនិងសេដ្ឋកិច្ចទូទំាងពិភពលោកដោយល្បឿនលឿនដូចរន្ទះនិងទ្រង់ទ្រាយដែលមិនធ្លាប់មានកាលពីមុន កម្រិតស៊ីជម្រៅនិងរយៈពេលនៃវិបត្តិលើកនេះនៅតែមិនទាន់ប្រាកដប្រជានៅឡើយ។ បើសិនជំងឺឆ្លងនេះអាចត្រូវគ្រប់គ្រងបាននៅឆមាសទី២ឆ្នាំនេះ បណ្តាប្រទេសដកវិធានការសម្រាប់បង្ការនិងគ្រប់គ្រងវិញជាបន្តបន្ទាប់និងស្តារសកម្មភាពសេដ្ឋកិច្ចឡើងវិញនោះនឹងមានលទ្ធភាពស្តារសេដ្ឋកិច្ចឡើងវិញនៅតំបន់មួយចំនួននៅឆ្នាំ២០២១ ប៉ុន្តែចក្ខុវិស័យនេះប្រឈមនឹងភាពមិនប្រាកដប្រជាយ៉ាងខ្លាំង។