កាលពីថ្ងៃទី៨ខែមេសា វេទិកាកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មចិន-អាស៊ានបានរៀបចំធ្វើកិច្ចប្រជុំវីដេអូជុំវិញប្រធានបទ “យកឈ្នះលើជំងឺឆ្លង” ។
លោក XuNingning ប្រធានប្រតិបត្តិនៃក្រុមប្រឹក្សាធុរកិច្ចចិន-អាស៊ានបានថ្លែងថា ពីខែមករាដល់ខែកុម្ភៈ អាស៊ានបានក្លាយជាដៃគូពាណិជ្ជកម្មធំទីមួយរបស់ចិន ។ បច្ចុប្បន្ននេះ ភាគីទាំងពីរគួរតែបង្កើនការតភ្ជាប់ កិច្ចសម្របសម្រួលនិងកិច្ចសហប្រតិបត្តិការ ។ ចិននិងប្រទេសអាស៊ានត្រូវតែចាត់ទុកការទប់ទល់នឹងជំងឺឆ្លងជាភារកិច្ចសំខាន់នៃការរួមគ្នាកសាងខ្សែក្រវាត់និងផ្លូវរបស់ភាគីទាំងពីរ ហើយធ្វើកិច្ចសហប្រតិបត្តិការក្នុងវិស័យហិរញ្ញវត្ថុ គមនាគមន៍និងគយជាដើម ។
