កាលពីថ្ងៃទី២ខែមេសា មហាសន្និបាតអង្គការសហប្រជាជាតិបានអនុម័តទៅលើសេចក្តីព្រាងច្បាប់ស្តីពីពិភពលោករួមសាមគ្គីគ្នាក្នុងការទប់ទល់នឹងជំងឺកូវីដ១៩ដែលផ្តួចផ្តើមដោយប្រទេសចំនួន៦ក្នុងនោះរួមមានប្រទេសសិង្ហបុរី ហ្កាណានិងឥណ្ឌូណេស៊ីជាដើមដែលមានប្រទេសចំនួន១៨៨ចូលរួមក្នុងនោះក៏មានប្រទេសចិនផងដែរ។សេចក្តីព្រាងច្បាប់នេះគាំទ្រប្រព័ន្ធអង្គការសហប្រជាជាតិក្នុងការដើរតួនាទីជាស្នូលសម្រាប់ទប់ទល់នឹងជំងឺឆ្លង ព្រមទាំងគូសបញ្ជាក់ថា មិនអត់ឱនឱ្យការរើសអើង ការប្រកាន់ជាតិសាសន៍និយមនិងការស្អប់ជនបរទេសជាដើម។
អ្នកនាំពាក្យនៃក្រសួងការបរទេសចិនបានថ្លែងកាលពីថ្ងៃទី៧ខែមេសានៅក្រុងប៉េកាំងថា សេចក្តីសម្រេចនេះបានឆ្លុះបញ្ចាំងនូវគំនិតឯកភាពរួមនិងការប្តេជ្ញាចិត្តរបស់សហគមន៍អន្តរជាតិក្នុងការបង្កើនសាមគ្គីភាពដើម្បីរួមគ្នាទប់ទល់នឹងជំងឺឆ្លង។ជំងឺឆ្លងនេះគឺជាសត្រូវរួមរបស់មនុស្សជាតិ។ប្រទេសនីមួយៗមានជោគវាសនារួមគ្នា ភាគីចិនរីករាយចាប់ដៃគ្នាជាមួយសហគមន៍អន្តរជាតិដើម្បីយកឈ្នះក្នុងការប្រយុទ្ធជាមួយជំងឺឆ្លងដ៏ធ្ងន់ធ្ងររបស់មនុស្សជាតិ និងជំរុញកិច្ចកសាងសហគមន៍រួមវាសនានៃមនុស្សជាតិ។
