គិតត្រឹមថ្ងៃទី ៧ ខែមេសា ករណីឆ្លងជំងឺកូវីដ១៩នៅអាហ្រ្វិកសរុប ១០០៧៥ ករណី ករណីស្លាប់សរុប ៤៨៧ ករណី ករណីជាសះស្បើយសរុព ៩១៣ ករណី ។ បច្ចុប្បន្ន ជំងឺកូវីដ ១៩ បានរីករាលដាលដល់ប្រទេសចំនួន ៥២ នៃទ្វីបអាហ្រ្វិក ។ ប្រទេសជាច្រើនបានចាត់វិធានការដូចជាហាមចេញក្រៅនិងបំរាមទេសចរណ៍ជាដើមដើម្បីទប់ទល់នឹងជំងឺនេះ បានប៉ះពាល់ក្នុងមួយកម្រិតលើរបរអាកាសចរណ៍ កសិកម្មនិងការនាំចេញប្រេងកាតជាដើម ។
ដើម្បីបន្ធូរបន្ថយការប៉ះពាល់លើសេដ្ឋកិច្ចបណ្តាលមកពីជំងឺកូវីដ ១៩ ធនាគារកណ្តាលប្រទេសអេហ្ស៊ីប អាហ្វ្រិកខាងត្បូងនិងកេនយ៉ាជាដើមបានបញ្ចុះអត្រាការប្រាក់យ៉ាងច្រើននាពេលកន្លងទៅថ្មីៗនេះ ។ ប្រទេសជាច្រើនបានប្រកាសវិធានការជំរុញសេដ្ឋកិច្ចមួយចំនួន ។
បន្ទាប់ពីផ្ទុះជំងឺកូវីដ ១៩ មក ក្រុមជំនាញវេជ្ជសាស្ត្រចិននិងសហគ្រាសទុនចិនបានធ្វើកិច្ចសហប្រតិបត្តិការតាមទម្រង់ជាច្រើនជាមួយប្រទេសអាហ្វ្រិកដើម្បីទប់ទល់នឹងការរីករាលដាលនៃជំងឺកូវីដ ១៩ ដែលបានអនុវត្តតាមទស្សនៈសហគមន៍រួមវាសនារវាងចិននិងអាហ្រ្វិក ៕