មានប្រព័ន្ធផ្សព្វផ្សាយធ្វើអត្ថាអធិប្បាយថា ការស្អប់ជនបរទេសបានកើនឡើងនៅប្រទេសចិនដោយសារមានដំណឹងផ្សាយថាមានជនបរទេសខ្លះត្រូវរើសអើងនៅប្រទេសចិនបន្ទាប់ពីប្រទេសចិនបានដាក់កំហិតលើវិធានការគ្រប់គ្រងជនបរទេសចូលដែនក្នុងគោលបំណងបង្ការករណីជំងឺកូវីដ១៩នាំចូលពីបរទេស។កាលពីថ្ងៃទី៧ខែមេសា លោក ZhaoLijianអ្នកនាំពាក្យក្រសួងការបរទេសចិនបានឆ្លើយតបថា ប្រទេសចិនតែងយកចិត្តទុកដាក់ខ្ពស់ចំពោះសុវត្ថិភាពអាយុជីវិតនិងសុខភាពរបស់ជនបរទេសដែលរស់នៅប្រទេសចិនព្រមទាំងការពារសិទ្ធិនិងផលប្រយោជន៍របស់ពួកគេតាមច្បាប់ ប្រទេសចិនប្រឆាំងការរើសអើងតាមគ្រប់ទម្រង់។ប៉ុន្តែ ជនបរទេសនៅប្រទេសចិនទាំងអស់សុទ្ធតែត្រូវគោរពតាមច្បាប់បង្ការនិងគ្រប់គ្រងជំងឺឆ្លងនៃសាធារណរដ្ឋប្រជាមានិតចិនយ៉ាងតឹងរ៉ឹងនិងការកំណត់ពាក់ព័ន្ធនឹងការបង្ការនិងគ្រប់គ្រងជំងឺក្នុងតំបន់នានា។