កាលពីថ្ងៃទី៧ខែមេសា លោក ZhaoLijian អ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងថា ក្រុមអ្នកជំនាញវេជ្ជសាស្ត្រប្រយុទ្ធប្រឆាំងនឹងជំងឺឆ្លងចំនួន១២នាក់ដែលចាត់បញ្ជូនដោយរដ្ឋាភិបាលចិនបានទៅដល់ក្រុងម៉ានីល រដ្ឋធានីប្រទេសហ្វីលីពីនហើយកាលពីថ្ងៃទី៥ខែមេសា ។ ពួកគេនឹងធ្វើការនៅក្រុងម៉ានីលដែលមានករណីឆ្លងធ្ងន់ធ្ងរ និងផ្លាស់ប្តូរបទពិសោធន៍ខាងការបង្ការនិងគ្រប់គ្រងជំងឺឆ្លងជាមួយភាគីហ្វីលីពីន ។
លោក ZhaoLijian បានគូសបញ្ជាក់ថា ភាគីចិននឹងប្រកាន់ខ្ជាប់ទស្សនៈសហគមន៍រួមវាសនារបស់មនុស្សជាតិជាប់រហូត ។ ស្របនឹងពេលធ្វើការងារបង្ការនិងគ្រប់គ្រងជំងឺឆ្លងក្នុងប្រទេសចិនឱ្យបានល្អ ក៏ដូចជាសកម្មបង្កើនកិច្ចសហប្រតិបត្តិការក្នុងតំបន់និងអន្តរជាតិសម្រាប់ទប់ទល់នឹងជំងឺឆ្លងជាមួយបណ្តាប្រទេសនានាបូករួមទាំងហ្វីលីពីនផង រហូតដល់យកឈ្នះលើជំងឺឆ្លងក្នុងក្របខ័ណ្ឌទូទាំងពិភពលោក ។