ការរីករាលដាលនៃជំងឺកូវីដ១៩គឺជាព្រឹត្តិការណ៍សុខាភិបាលសាធារណៈសំខាន់មួយលើក ។ ប្រទេសចិនបានបង់តម្លៃនិងពលីយ៉ាងច្រើនសន្ធឹក ។ នៅក្រោមកិច្ចខិតខំប្រឹងប្រែងរួមគ្នានៃប្រជាជនចិនទាំងមូល សភាពការណ៍បង្ការនិងគ្រប់គ្រងជំងឺនេះកាន់តែល្អប្រសើរឡើងជាបន្តបន្ទាប់ ។
ខាងក្រោមនេះ គឺជាមួយភាគតូចនៃកំណត់ត្រាអំពីមេដឹកនាំកំពូលចិនណែនាំនិងចាត់ចែងដោយផ្ទាល់ ដើម្បីដឹកនាំប្រជាជនចិនប្រយុទ្ធប្រឆាំងនឹងជំងឺកូវីដ១៩ ។
ថ្ងៃទី ៧ ខែមករា
ពេលធ្វើជាអធិបតីនៃសន្និសីទគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន លោកស៊ីជីនភីងបានលើកសំណូមពរចំពោះការធ្វើការងារបង្ការនិងគ្រប់គ្រងជំងឺកូវីដ១៩ ឱ្យបានល្អ ។
ថ្ងៃទី ២០ ខែមករា
លោកស៊ីជីនភីងសង្កត់ធ្ងន់ថា ត្រូវចាត់ទុកសុវត្ថិភាពអាយុជីវិតនិងសុខភាពរបស់ប្រជាជនជាអាទិភាព ត្រូវប្រកាសព័ត៌មានអំពីជំងឺកូវីដ១៩ឱ្យទាន់ពេល និងធ្វើឱ្យកិច្ចសហប្រតិបត្តិការអន្តរជាតិមានភាពស៊ីជម្រៅ ។
ថ្ងៃទី ៥ ខែកុម្ភៈ
លោកស៊ីជីនភីងជួបពិភាក្សាជាមួយសម្តេចហ៊ុនសែន នាយករដ្ឋមន្ត្រីកម្ពុជា ដោយបានលើកឡើងថា ពេលជួបការលំបាកទើបដឹងពីមនោសញ្ចេតនាពិត ។
ថ្ងៃទី ៧ ខែកុម្ភៈ
លោកស៊ីជីនភីងពិភាក្សាការងារតាមទូរស័ព្ទជាមួយលោកត្រាំ ប្រធានាធិបតីអាមេរិកតាមការណាត់ ។ លោកស៊ីជីនភីងសង្កត់ធ្ងន់ថា ភាគីចិនគាំពារសុវត្ថិភាពអាយុជីវិតនិងសុខភាពនៃប្រជាជនពិភពលោក ។ ចិនប្រកាន់អាកប្បកិរិយាបើកទូលាយ តម្លាភាពនិងទទួលខុសត្រូវ ដោយបានរាយការណ៍ចំពោះអង្គការសុខភាពពិភពលោក ក៏ដូចជាប្រទេសនិងតំបន់ពាក់ព័ន្ធ រួមទាំងអាមេរិកផង ព្រមទាំងបានអញ្ជើញអ្នកជំនាញនៃអង្គការសុខភាពពិភពលោកជាដើមទៅពិនិត្យអង្កេតនៅក្រុងវូហាន ។
ថ្ងៃទី ២ ខែមីនា
លោកស៊ីជីនភីងចិះត្រួតពិនិត្យការងារសិក្សាស្រាវជ្រាវខាងវិទ្យាសាស្ត្រអំពីការបង្ការនិងគ្រប់គ្រងជំងឺកូវីដ១៩នៅក្រុងប៉េកាំង ។
ថ្ងៃទី ១០ ខែមីនា
លោកស៊ីជីនភីងអញ្ជើញទៅត្រួតពិនិត្យការងារបង្ការនិងគ្រប់គ្រងជំងឺកូវីដ១៩នៅក្រុងវូហានខេត្តហ៊ូប៉ីជាពិសេស ។
ថ្ងៃទី ២៦ ខែមីនា
ពេលអញ្ជើញចូលរួមសន្និសីទកំពូលពិសេសនៃមេដឹកនាំប្រទេសG20អំពីការទប់ទល់នឹងជំងឺកូវីដ១៩ លោកស៊ីជីនភីងសង្កត់ធ្ងន់ថា ភាគីចិនរីករាយផ្តល់ជំនួយតាមលទ្ធភាពចំពោះប្រទេសដទៃទៀត ដើម្បីរួមចំណែកក្នុងការលំនឹងសេដ្ឋកិច្ចពិភពលោក ។
ថ្ងៃទី ២៧ ខែមីនា
លោកស៊ីជីនភីងពិភាក្សាការងារតាមទូរស័ព្ទជាមួយលោកត្រាំ ប្រធានាធិបតីអាមេរិកតាមការណាត់ ។ លោកស៊ីជីនភីងសង្កត់ធ្ងន់ថា តាំងពីផ្ទុះជំងឺកូវីដ១៩មក ភាគីចិនប្រកាន់ខ្ជាប់អាកប្បកិរិយាបើកទូលាយតម្លាភាពនិងទទួលខុសត្រូវជានិច្ច រាយការណ៍ពីព័ត៌មាននៃករណីជំងឺឆ្លងជូនអង្គការសុខភាពពិភពលោកនិងប្រទេសមានពាក់ព័ន្ធ រួមទាំងអាមេរិកផងដោយទាន់ពេលវេលា ចែករំលែកដោយឥតលាក់លៀមជាមួយបណ្តាភាគីនានាអំពីបទពិសោធន៍បង្ការ គ្រប់គ្រងនិងព្យាបាលជំងឺកូវីដ១៩ ព្រមទាំងផ្តល់ការគាំទ្រនិងជំនួយតាមលទ្ធភាពចំពោះប្រទេសដែលមានតម្រូវការ ។ ចិននឹងបន្តរួមសហការជាមួយសហគមន៍អន្តរជាតិដើម្បីយកជ័យជំនះលើជំងឺកូវីដ១៩ ៕