លោក Andrew Cuomo អភិបាលរដ្ឋញូវយ៉កបានបង្ហោះសារនៅលើបណ្តាញទំនាក់ទំនងសង្គម Twitter កាលពីថ្ងៃទី ៤ ខែមេសា ថា រដ្ឋាភិបាលចិនបានជួយសម្រួលដល់ការបរិច្ចាគម៉ាស៊ីនជំនួយការដកដង្ហើមចំនួន ១០០០ គ្រឿងឱ្យដឹកជញ្ជូនទៅដល់ក្រុងញូវយ៉កនាថ្ងៃដដែលនោះ។លោកបានថ្លែងអំណរគុណដល់ប្រទេសចិនចំពោះកិច្ចសហប្រតិបត្តិការនេះ ហើយបានថែ្លងថា ប្រការនេះពិតជាមានសារសំខាន់យ៉ាងខ្លាំងសម្រាប់រដ្ឋញូវយ៉ក។
លោក Zhao Lijian អ្នកនាំពាក្យក្រសួងការបរទេសចិនបានថែ្លងនៅក្រុងប៉េកាំងកាលពីថ្ងៃទី ៧ ខែមេសានេះ ថា ប្រទេសចិនយោគយល់ពីស្ថានភាពលំបាករបស់សហរដ្ឋអាមេរិកនាពេលបច្ចុប្បន្ននេះ ហើយរំពឹងដោយស្មោះថា សហរដ្ឋអាមេរិកនឹងគ្រប់គ្រងការរីករាលដាលនៃជំងឺនេះឱ្យបានឆាប់និងរីករាយបន្តផ្តល់ការគាំទ្រតាមលទ្ធភាពរបស់ខ្លួន៕