តាមទិន្នន័យនៃសកលវិទ្យាល័យ Johns Hopkins របស់សហរដ្ឋអាមេរិកឱ្យដឹងថា គិតមកទល់វេលាម៉ោង១៧ថ្ងៃទី៦ខែមេសាតាមម៉ោងភាគខាងកើតសហរដ្ឋអាមេរិក អ្នកឆ្លងជំងឺ COVID-19 នៅសហរដ្ឋអាមេរិកគឺចំនួន៣៦២៧៥៩ករណី ហើយមានអ្នកស្លាប់ចំនួន១០៦៨៩ករណី ។
លោកត្រាំ ប្រធានាធិបតីសហរដ្ឋអាមេរិកថ្លែងថា គិតមកទល់ថ្ងៃទី៥ខែមេសា សហរដ្ឋអាមេរិកទាំងមូលបានធ្វើតេស្តវីរុសជំងឺ COVID-19 ចំនួន១លាន៧សែន៩ម៉ឺននាក់ ។ កាលពីថ្ងៃទី៦ខែមេសា មជ្ឈមណ្ឌលបង្ការនិងគ្រប់គ្រងជំងឺឆ្លងរបស់សហរដ្ឋអាមេរិកបានប្រកាសថា នឹងធ្វើតេស្តអង្គបដិប្រាណក្នុងក្របខ័ណ្ឌកាន់តែធំ ដើម្បីបញ្ជាក់ថា តើមានមនុស្សកាន់តែច្រើនឡើងៗបានឆ្លងជំងឺ COVID-19 ឬអត់ ព្រមនិងត្រួតពិនិត្យពីភាពស៊ាំបន្ទាប់ពីអ្នកជំងឺជាសះស្បើយ ។
តាមទិន្នន័យថ្មីបំផុតឱ្យដឹងថា បច្ចុប្បន្ននេះ អ្នកឆ្លងជំងឺ COVID-19 នៅរដ្ឋញូវយ៉កគឺ១៣០៦៨៩ករណី និងមានអ្នកស្លាប់ចំនួន៤៧៨៥ករណី ។