កាលពីថៃ្ងទី ៦ ខែមសា តាមម៉ោងនៅក្នុងតំបន់ តំណាងអង្គការសុខភាពពិភពលោកបានថ្លែងនៅក្នុងសន្និសីទសារព័ត៌មានជាប្រចាំថា ការស្រាវជ្រាវនិងអភិវឌ្ឍព្រមទាំងការធ្វើតេស្តវ៉ាក់សាំងនឹងត្រូវធ្វើឡើងតាមរយៈការធ្វើតេស្តលើមនុស្សដោយសមហេតុផល។ជាការឆ្លើយតបនឹងពាក្យសំដីរបស់អ្នកវិទ្យាសាស្ត្របារាំងដែលបានបញ្ចេញមតិនៅពេលមុននេះថា តំបន់អាហ្វ្រិកនឹងត្រូវយកធ្វើជាកន្លែងសាកល្បងវ៉ាក់សាំង។លោក Tedros Adhanom Ghebreyesus អគ្គនាយកអង្គការសុខភាពពិភពលោកបានថែ្លងថា ពាក្យសំដីដែលប្រកាន់ពូជសាសន៍និងរើសអើងបែបនេះនឹងមិនអាចជួយដល់ការប្រយុទ្ធប្រឆាំងនឹងការរីករាលដាលនៃជំងឺកូវីដ ១៩ បានទេ ប៉ុន្តែវាបានត្រឹមបំផ្លាញដល់សាមគ្គីភាពប៉ុណ្ណោះ។
លោក Tedros Adhanom Ghebreyesus បានលើកឡើងថា ទ្វីបអាហ្រ្វិកមិនអាចនិងហើយក៏មិនត្រូវធ្វើជាកន្លែងសាកល្បងវ៉ាក់សាំងនោះទេ ហើយការស្រាវជ្រាវនិងអភិវឌ្ឍវ៉ាក់សាំងឬវិធីព្យាបាលត្រូវតែអនុវត្តតាមច្បាប់ដូចគ្នានៅក្នុងក្របខណ្ឌទូទាំងពិភពលោក។អង្គការសុខភាពពិភពលោកនឹងមិនអនុញ្ញាតឱ្យរឿងនេះកើតឡើងនោះទេ។លោកបានថ្កោលទោសយ៉ាងខ្លាំងបំផុតចំពោះអ្នកដែលប្រើពាក្យសំដីបែបនេះ៕
