កាលពីថ្ងៃទី៦ខែមេសា លោកJamie Dimonនាយកប្រតិបត្តិនៃក្រុមហ៊ុនJPMorgan Chase & Coបានផ្ញើលិខិតប្រចាំឆ្នាំជូនម្ចាស់ភាគហ៊ុនថា ទោះក្នុងសភាពការណ៍ល្អបំផុតក៏ដោយ ក៏នៅអាចព្យាករណ៍ថា សេដ្ឋកិច្ចអាមេរិកកំពុងប្រឈមនឹងការថយចុះយ៉ាងខ្លាំងនិងរងសម្ពាធហិរញ្ញវត្ថុដូចវិបត្តិហិរញ្ញវត្ថុឆ្នាំ២០០៨ដែរ។
តាមដំណឹងនៃក្រុមហ៊ុនCNBCបានឱ្យដឹងថា អតីតប្រធានប្រព័ន្ធបម្រុងសហព័ន្ធអាមេរិកបានយល់ឃើញថា GDPក្នុងត្រីមាសទី២របស់អាមេរិកប្រហែលនឹងមានការថយចុះ៣០ភាគរយ ហើយបាននិយាយថាបានឃើញការព្យាករណ៍កាន់តែអាក្រក់ថែមទៀត។
កាលពីយប់ថ្ងៃទី៦ខែមេសាតាមម៉ោងក្នុងតំបន់ លោក Giuseppe Conteនាយករដ្ឋមន្រ្តីអ៊ីតាលីបានប្រកាសដាក់ចេញនូវវិធានការថ្មីមួយចំនួនក្នុងការដោះស្រាយបញ្ហាសេដ្ឋកិច្ច ដោយបន្ថែមថវិកាទំហំ៤សែនលានប្រាក់អឺរ៉ូដើម្បីជួយសហគ្រាសគ្រប់ប្រភេទក៏ដូចជាលើកទឹកចិត្តឱ្យពុះពារការលំបាក។រដ្ឋាភិបាលអ៊ីតាលីបានបញ្ចេញថវិកាទំហំ៧សែន៥ម៉ឺនលានប្រាក់អឺរ៉ូដល់ទីផ្សារដែលត្រូវជាពាក់កណ្តាលនៃផលិតផលក្នុងស្រុកសរុប។