ថ្ងៃទី៧ខែមេសាជាទិវាសុខភាពពិភពលោកធ្វើក្រោមប្រធានបទឆ្នាំនេះ “គាំទ្រគិលានុបដ្ឋាយិកានិងឆ្មប” ។ អង្គការសុខភាពពិភពលោកថ្លែងថា ការរាតត្បាតនៃជំងឺ COVID-19 កាន់តែផ្តោតលើតម្រូវការបន្ទាន់របស់ពិភពលោកចំពោះកម្លាំងបុគ្គលិកសុខាភិបាល ។ រីឯគិលានុបដ្ឋាយិកាលើសពីពាក់កណ្តាលនៃបុគ្គលិកវេជ្ជសាស្ត្រទូទាំងពិភពលោក បានផ្តល់សេវាកម្មសំខាន់ណាស់ដល់ប្រព័ន្ធសុខាភិបាល ។
លោក Tedros Adhanom Ghebreyesus ប្រធានអង្គការសុខភាពពិភពលោកបានថ្លែងថា ចំពោះបុគ្គលិកសុខាភិបាល ពិតមែនតែអ្នកទាំងអស់គ្នាកំពុងឋិតក្នុងដំណាក់កាលដ៏លំបាកដែលជំងឺ COVID-19 កំពុងរាតត្បាតយ៉ាងខ្លាំងក៏ដោយ ក៏ប៉ុន្តែការងារនេះគឺពិសិដ្ឋបំផុត ។ ពួកយើងសូមគោរពនិងថ្លែងអំណរគុណចំពោះអ្នកទាំងអស់គ្នា ហើយជឿជាក់ថា អ្នកទាំងឡាយមុខជាអាចគ្រប់គ្រងការរាតត្បាតនៃជំងឺ COVID-19 អស់ពីសមត្ថភាពជាមិនខាន ។