សហភាពអាហ្វ្រិកបានចេញសេចក្តីប្រកាសកាលពីថ្ងៃទី ៦ ខែមេសាថា តាមការប៉ាន់ប្រមាណតាមគំរូម៉ាក្រូសេដ្ឋកិច្ចថ្មីបំផុតបានឱ្យដឹងថា សេដ្ឋកិច្ចនៃទ្វីបអាហ្រ្វិកក្នុងឆ្នាំ ២០២០ នឹងថយចុះ ០.៩ % ។
របាយការណ៍នេះបានឱ្យដឹងថា មូលហេតុសំខាន់ដែលបណ្តាលឱ្យសេដ្ឋកិច្ចថយចុះមានដូចជាការដាច់ខ្សែសង្វាក់ផ្គត់ផ្គង់លើពិភពលោក តម្លៃទំនិញសំខាន់ៗធ្លាក់ចុះយ៉ាងខ្លាំង ប្រាក់ចំណូលហិរញ្ញវត្ថុបានថយចុះយ៉ាងខ្លាំងព្រមទាំងការចំណាយលើវិធានការបង្ការនិងគ្រប់គ្រងជំងឺកូវីដ១៩នៃបណ្តាប្រទេសនានានៅអាហ្វ្រិក ។
តាមរបាយការណ៍ឱ្យដឹងថា ជំងឺកូវីដ១៩បានប៉ះពាល់យ៉ាងខ្លាំងដល់វិស័យទេសចរណ៍តាមអាកាសចរណ៍ និងពាណិជ្ជកម្មទំនិញអាហ្វ្រិក ដែលខាតបង់ដល់ទៅ ៥ ម៉ឺនលានដុល្លារអាមេរិកនិង ២៧ ម៉ឺនលានដុល្លារអាមេរិករៀងគ្នា។ ក្រៅពីនេះ ជំងឺកូវីដ ១៩ បានគំរាមកំហែងដល់ការបាត់បង់ឱកាសការងារជិត ២០ លាននាក់ ។
