ការិយាល័យប្រធានសាលាអយ្យការនៃក្រសួងសុខាភិបាលនិងសេវាសាធារណៈអាមេរិកបានចេញរបាយការណ៍ស៊ើបអង្កេតកាលពីថ្ងៃទី ៦ ខែមេសា បង្ហាញឱ្យដឹងថា មន្ទីរពេទ្យក្នុងតំបន់នានានៃអាមេរិកបានប្រឈមនឹងកង្វះខាតសម្ភារៈវេជ្ជសាស្ត្រយ៉ាងខ្លាំង ។
របាយការណ៍នេះបានបង្ហាញថា មន្ទីរពេទ្យដែលបានចូលរួមការស៊ើបអង្កេតលើកនេះបានបញ្ជាក់ថា ការកង្វះខាតយ៉ាងខ្លាំងនូវឧបករណ៍ធ្វើតេស្តរកវីរុសកូវីដ ១៩ ឬសម្ភារៈពាក់ព័ន្ធ ព្រមទាំងត្រូវចំណាយពេលយ៉ាងតិចបំផុត ៧ ថ្ងៃទើបអាចទទួលបានលទ្ធផលនៃការធ្វើតេស្ត បានបណ្តាលមានភាពយឺតយ៉ាវក្នុងការតាមដានសភាពនៃអ្នកជំងឺនិងបុគ្គលិកពេទ្យពាក់ព័ន្ធ ។ កង្វះខាតជាទូទៅនូវសម្ភារៈបង្ការវីរុសបានធ្វើឱ្យបុគ្គលិកពេទ្យនិងអ្នកជំងឺធ្លាក់ក្នុងសភាពប្រឈមនឹងគ្រោះថ្នាក់ ហើយក៏មិនអាចបំពេញបន្ថែមសម្ភារៈតាមសេចក្តីត្រូវការឱ្យបានទាន់ពេលវេលាផងដែរ ។របាយការណ៍នេះបានបញ្ជាក់ថា មន្ទីរពេទ្យមួយចំនួនមានកង្វះខាតក្នុងកម្រិតខុសៗគ្នានូវម៉ាស៊ីនជំនួយការដកដង្ហើម ម៉ាស់ ថ្នាំសម្លាប់មេរោគ សម្លៀកបំពាក់បង្ការវីរុស ក្រដាសអនាម័យនិងគ្រឿងឧបភោគបរិភោគជាដើម ។
ប្រព័ន្ធផ្សព្វផ្សាយ NBC អាមេរិកបានចេញផ្សាយវិចារណកថាអះអាងថា នេះជាលើកដំបូងដែលរដ្ឋាភិបាលអាមេរិកធ្វើការវាយតម្លៃចំពោះប្រព័ន្ធមន្ទីរពេទ្យទូទាំងប្រទេស ។ របាយការណ៍នេះបានរកឃើញបញ្ហាជាច្រើន ។
