មកទល់វេលាម៉ោង១៧កាលពីថ្ងៃទី៥ខែមេសាតាមម៉ោងក្នុងតំបន់ តាមទិន្នន័យថ្មីបំផុតនៃសកលវិទ្យាល័យ Johns Hopkins របស់សហរដ្ឋអាមេរិកឱ្យដឹងថា ករណីអ្នកឆ្លងជំងឺ COVID-19 នៅសហរដ្ឋអាមេរិកបានឡើងដល់៣៣១២៣៤ករណី ហើយករណីស្លាប់បានឡើងដល់៩៤៥៨ករណី ។ ថ្ងៃដដែល លោក Jerome Adams អ្នកទទួលខុសត្រូវនៃអគ្គនាយកដ្ឋានសុខាភិបាលអាមេរិកបានថ្លែងថា មួយសប្តាហ៍ខាងមុខនេះនឹងជាដំណាក់កាលដែលពិបាកបំផុតនិងវេទនាបំផុតនៃសភាពការណ៍ជំងឺ COVID-19 នៅសហរដ្ឋអាមេរិក ។
លោក Anthony S. Fauci ប្រធានវិទ្យាស្ថានស្រាវជ្រាវជំងឺអាឡែរហ្ស៊ីនិងជំងឺឆ្លងជាតិនៃវិទ្យាស្ថានស្រាវជ្រាវសុខាភិបាលជាតិអាមេរិកបានទទួលស្គាល់នៅពេលផ្តល់បទសម្ភាសន៍ថា ការរាតត្បាតនៃជំងឺ COVID-19 នៅសហរដ្ឋអាមេរិកបានបាត់បង់ការគ្រប់គ្រងហើយ ។ រដ្ឋអំណាចលោកត្រាំកំពុងខិតខំប្រឹងប្រែងគ្រប់គ្រងជំងឺឆ្លងនេះ ។
លោក Anthony S. Fauci បានថ្លែងទៀតថា ជំងឺឆ្លងនេះត្រូវបានគ្រប់គ្រងក្នុងក្របខ័ណ្ឌទូទាំងពិភពលោកក្នុងពេលឆាប់ៗគឺមានសារសំខាន់ណាស់ បើពុំនោះសោត ជំងឺ COVID-19 ប្រហែលនឹងក្លាយជាជំងឺរាតត្បាតតាមរដូវកាល ។
