កាលពីថៃ្ងទី ៥ ខែមេសា តាមម៉ោងនៅក្នុងតំបន់ លោក Miloš Zeman ប្រធានាធិបតីឆេកបានថ្លែងនៅក្នុងបទសម្ភាសន៍ជាមួយប្រព័ន្ធសារព័ត៌មានក្នុងតំបន់ថា ប្រទេសចិនគឺជាប្រទេសតែមួយគត់ដែលមានសមត្ថភាពផ្គត់ផ្គង់ឧបករណ៍ការពារដល់បណ្តាប្រទេសដទៃទៀត។លោក Miloš Zeman បានថែ្លងថា មានប្រទេសចំនួន ៨០ កំពុងរង់ចាំបញ្ជាទិញសម្ភារៈបរិក្ខារពេទ្យពីប្រទេសចិន ដូច្នេះ ពួកយើងសូមថ្លែងអំណរគុណដល់ប្រទេសចិនចំពោះការគាំទ្រដល់ប្រទេសឆេកក្នុងការបញ្ជាទិញសម្ភារៈបរិក្ខារពេទ្យ។
ឆ្លើយតបនឹងការសង្ស័យអំពីគុណភាពនៃសម្ភារៈបរិក្ខារពេទ្យរបស់ប្រទេសចិន លោក Miloš Zeman បានច្រានចោលការចោទប្រកាន់នេះ។លោកបានបញ្ជាក់ថា គុណភាពនៃផលិតផលវេជ្ជសាស្រ្តរបស់ប្រទេសចិនគឺមានកម្រិតខ្ពស់បង្គួរ ហើយអ្នកដែលមួលបង្កាច់លើគុណភាពគួរតែសុំទោស៕
