តួលេខស្ថិតិទាន់ពេលវេលារបស់អង្គការសុខភាពពិភពលោកបានឱ្យដឹងថា គិតត្រឹមវេលាម៉ោង ១៨ ថ្ងៃទី ៥ ខែមេសា តាមម៉ោងភាគកណ្តាលអឺរ៉ុប ករណីឆ្លងជំងឺកូវីដ ១៩ នៅទូទាំងពិភពលោកសរុប ១១៣៦៨៥១ ករណីនិងករណីស្លាប់ចំនួន ៦២៩៥៥ នាក់។នាពេលបច្ចុប្បន្ននេះ បានរកឃើញករណីឆ្លងជំងឺកូវីដ ១៩ នៅក្នុងប្រទេសនិងតំបន់ ចំនួន ២០៨ នៅទូទាំងពិភពលោក។
លើសពីនេះទៀត យោងតាមរបាយការណ៍ប្រចាំថៃ្ងអំពីករណីជំងឺកូវីដ ១៩ ដែលចេញផ្សាយដោយអង្គការសុខភាពពិភពលោកកាលពីថ្ងៃទី ៥ ខែមេសាបានឱ្យដឹងថា គិតរហូតដល់វេលាម៉ោង ១០ ថ្ងៃទី ៥ ខែមេសា តាមម៉ោងភាគកណ្តាលអឺរ៉ុប ពិភពលោកទាំងមូលបានរកឃើញអ្នកឆ្លងថ្មីនៃជំងឺកូវីដ ១៩ ចំនួន ៨២០៦១ ករណី ករណីស្លាប់បានកើនឡើង ៥៧៩៨ នាក់។តំបន់អឺរ៉ុបដែលមានករណីឆ្លងធ្ងន់ធ្ងរបំផុត បានរកឃើញករណីឆ្លង ៦២ ម៉ឺន ១៤០៧ ករណី ករណីស្លាប់ចំនួន ៤៦៤១៦ នាក់៕
