អ្នកសារព័ត៌មានបានដំណឹងពីសន្និសីទសារព័ត៌មាននៃក្រុមការងារយន្តការរួមគ្នាបង្ការនិងគ្រប់គ្រងជំងឺកូវីដ១៩របស់ក្រុមប្រឹក្សាកិច្ចការរដ្ឋចិនដែលបើកធ្វើនៅថ្ងៃទី ១ ខែមេសាឱ្យដឹងថា ក្រៅពីខេត្តហ៊ូប៉ី ប្រជាជនក្រីក្រដែលបានឆ្លងជំងឺកូវីដ-19នៅទូទាំងប្រទេសចិនសុទ្ធតែបានជាសះស្បើយទាំងអស់ហើយ ។ បច្ចុប្បន្ននេះ នៅតំបន់នានាទូទាំងប្រទេសចិន ពលករក្រីក្រចំណាកស្រុកមានចំនួនលើសពី២០លាននាក់ ហើយនៅខេត្តចំនួន២២ដែលស្ថិតនៅតំបន់ភាគខាងលិចនិងភាគកណ្តាលនៃប្រទេសចិន អត្រាស្តារផលិតកម្មឡើងវិញបានលើសពី៩៥ភាគរយ ។
ក្រៅពីនេះ ក្រសួងសង្គមកិច្ចនិងការិយាល័យជួយកាត់បន្ថយភាពក្រីក្រនៃក្រុមប្រឹក្សាកិច្ចការរដ្ឋចិនបានរួមគ្នាបើកយុទ្ធនាការជួយឧបត្ថម្ភដើម្បីឱ្យជនក្រីក្រចេញផុតពីភាពក្រីក្រ ដោយបានស្វែងយល់យ៉ាងស៊ីជម្រៅពីសភាពការណ៍នៃគ្រួសារមានជីវភាពក្រលំបាកដោយសារបានឆ្លងជំងឺកូវីដ-19 ឬរងផលប៉ះពាល់ពីករណីជំងឺឆ្លង ព្រមទាំងដាក់បញ្ចូលដោយទាន់ពេលវេលានូវអ្នកសមស្របនឹងលក្ខណសម្បតិ្តទៅក្នុងក្របខ័ណ្ឌអ្នកអាចទទួលជំនួយឧបត្ថម្ភពីសង្គម មានដូចជាជំនួយឧបត្ថម្ភជាបណ្តោះអាសន្នជាដើម ៕