បច្ចុប្បន្ននេះ ករណីជំងឺកូវីដ១៩បានរាតត្បាតយ៉ាងឆាប់រហ័សនៅទូទាំងពិភពលោក ការរួមសាមគ្គីគ្នានិងធ្វើកិច្ចសហប្រតិបត្តិការបានទៅជាគំនិតឯកភាពរួមនិងតម្រូវការជា
បន្ទាន់នៃសហគមន៍អន្តរជាតិ។ ពេលជួបពិភាក្សាតាមទូរស័ព្ទជាមួយលោកស៊ីជីនភីងប្រធានរដ្ឋចិន លោកត្រាំប្រធានាធិបតីអាមេរិកបានថ្លែងយ៉ាងច្បាស់ថា លោកនឹងស្វែងយល់ដោយផ្ទាល់ដើម្បីធានាដល់ការលុបបំបាត់ឧបសគ្គនៃកិច្ចសហប្រតិបត្តិការរវាងអាមេរិកនិងចិនច្រាន ក៏ដូចជាប្រមូលផ្តុំកម្លាំងដើម្បីធ្វើកិច្ចសហប្រតិបត្តិការខាងការទប់ទល់នឹងជំងឺឆ្លង។ ក៏ប៉ុន្តែក្នុងប្រទេសអាមេរិកនៅតែមានមនុស្សជាច្រើនបានដើរឃោសនាបំប៉ោងឱ្យអាមេរិកនិងចិនធ្វើបដិបក្ខគ្នាដើម្បីបង្កជាឧបសគ្គដល់កិច្ចសហប្រតិបត្តិកាតរវាងប្រទេសទាំងពីរ។
ក្នុងព័ត៌មានមួយដែលចុះផ្សាយលើកាសែតញូវយ៉កថែមនាពេលកន្លងទៅនេះ លោក Stephen Bannon ដែលជាអ្នកប្រជានិងស្តាំនិយមរបស់អាមេរិកបាននិយាយបែបញុះញង់បំផ្លើសថាចិននិងអាមេរិកកំពុងឆ្លងកាត់”សង្គ្រាមមតិសាធារណៈ”និង”សង្គ្រាមសេដ្ឋកិច្ច” ហើយបានបង្តុះបង្អាប់បក្សកាន់អំណាចនិងរដ្ឋាភិបាលចិនថាជា”ការគំរាមកំហែងនៃពិភពលោក”។ នេះគឺជា”វីរុសនយោបាយ”មួយទៀតដែលបញ្ចេញដោយជំពូកជនខិលខូចមួយចំនួនរបស់អាមេរិកក្នុងខណៈពេលគន្លឹះនៃការធ្វើកិច្ចសហប្រតិបត្តិការរវាងចិននិងអាមេរិកដើម្បីទប់ទល់នឹងជំងឺឆ្លង។
តាមការប៉ាន់ប្រមាណរបស់លោក Stephen Bannon អ្នកជំនាញផ្នែកជំងឺឆ្លងនៃសហរដ្ឋអាមេរិកឱ្យដឹងថា ករណីស្លាប់ដោយសារឆ្លងជំងឺCovid-19 នៅអាមេរិកមានលទ្ធភាពនឹងឡើងដល់ពី ១០ ម៉ឺនទៅ ២០ ម៉ឺននាក់ ជាងនេះទៅទៀតប្រហែលនឹងមានមនុស្សរាប់លាននាក់ឆ្លងជំងឺនេះនៅទូទាំងប្រទេសអាមេរិក ។ ហេតុដូច្នេះ ឥស្សរជនអាមេរិកជាច្រើនបានអំពាវនាវឱ្យអាមេរិកធ្វើកិច្ចសហប្រតិបត្តិការកាន់តែល្អជាមួយប្រទេសចិន ។ មិនថាក្នុងការបញ្ជាទិញសម្ភារៈពេទ្យពីប្រទេសចិន ឬការរួមសហការធ្វើការសិក្សាស្រាវជ្រាវខាងវិទ្យាសាស្រ្តដើម្បីប្រយុទ្ធប្រឆាំងនឹងវីរុស ឬមួយក៏ការចែករំលែកបទពិសោធន៍ខាងការទប់ទល់នឹងជំងឺឆ្លងនោះឡើយ គឺអាមេរិកសុទ្ធតែមិនអាចគ្មានការគាំទ្រពីប្រទេសចិនបានទេ ។
ពាក្យសម្តីអមនុស្សធម៌និងអសីលធម៌របស់បុគ្គលអាមេរិកដូចជាលោក Stephen Bannon ជាដើមបានក្លាយទៅកម្លាំងរារាំងការរួមសហការទប់ទល់នឹងជំងឺឆ្លងរវាងប្រទេសចិននិងអាមេរិក គឺជាការរំខានដែលថ្នាក់ដឹកនាំអាមេរិកបានសម្គាល់ថាចាំបាច់ត្រូវលុបបំបាត់ចោល ។ បើនៅតែបណ្តែតបណ្តោយឱ្យពួកទាំងនេះបន្តញុះញង់ឱ្យកើតមានជម្លោះនិងបង្កអរិភាពរវាងចិននិងអាមេរិក វាមិនគ្រាន់តែនឹងបំផ្លាញដល់កិច្ចសហប្រតិបត្តិការខាងការទប់ទល់នឹងជំងឺឆ្លងរវាងប្រទេសចិននិងអាមេរិក ប៉ះពាល់ដល់សុវត្ថិភាពអាយុជីវិតរបស់ប្រជាជនអាមេរិកប៉ុណ្ណោះទេ បើមើលពីចក្ខុវិស័យវែងឆ្ងាយ ក៏នឹងធ្វើឱ្យទំនាក់ទំនងរវាងចិននិងអាមេរិកមានភាពកាន់តែមិនប្រាកដប្រជាផងដែរ នៅទីចុងបំផុត នឹងប៉ះពាល់ដល់ផលប្រយោជន៍ផ្ទាល់របស់អាមេរិក ៕
