ពីថ្ងៃទី២៩ខែមីនាដល់ថ្ងៃទី១ខែមេសាឆ្នាំ២០២០ លោក ស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញចុះត្រួតពិនិត្យការងារជាបន្តបន្ទាប់នៅក្រុង នីងប៉ូ ក្រុងហូចូវនិងក្រុងហាងចូវជាដើមនៃខេត្តជឺជាំង លោកបានចូលទៅដល់តំបន់កំពង់ផែ សហគ្រាស ចុះតាមជនបទនិងតំបន់ដីសើមអេកូឡូស៊ីជាដើម ដើម្បីធ្វើការត្រួតពិនិត្យអំពីការជំរុញការងារបង្ការនិងគ្រប់គ្រងករណីជំងឺ COVID-19និងការអភិវឌ្ឍសេដ្ឋកិច្ចនិងសង្គម។ លោក ស៊ី ជីនភីង បានគូសបញ្ជាក់ថាត្រូវអនុវត្តគោលនយោបាយនិងការចាត់ចែងនានារបស់មជ្ឈិមបក្សកុម្មុយនីស្តចិនដោយគ្រប់ជ្រុងជ្រោយ អនុវត្តឱ្យបានល្អនូវការគ្រោងផែនការដើម្បីជំរុញការបង្ការនិងគ្រប់គ្រងករណីជំងឺ COVID-19និងការអភិវឌ្ឍសេដ្ឋកិច្ចនិងសង្គម ប្រកាន់ខ្ជាប់នូវមូលដ្ឋានការងារស្តីពីការស្វែករកការអភិវឌ្ឍក្នុងសភាពនឹងនរ ប្រកាន់ខ្ជាប់ទស្សនអភិវឌ្ឍន៍ថ្មី ខិតខំប្រឹងប្រែងដើម្បីសម្រេចទិសដៅភារកិច្ចស្តីពីការអភិវឌ្ឍសេដ្ឋកិច្ចនិងសង្គមក្នុងឆ្នាំនេះ ព្រមនិងខិតខំប្រឹងប្រែងក្លាយជាច្រកដ៏សំខាន់មួយសម្រាប់បង្ហាញដោយគ្រប់ជ្រុងជ្រោយពីឧត្តមភាពនៃប្រព័ន្ធរបបសង្គមនិយមដែលប្រកបដោយលក្ខណៈពិសេសប្រទេសចិន ក្នុងយុគសម័យថ្មី៕