បទវិភាគ៖ ការស្តារផលិតកម្មឡើងវិញរបស់ប្រទេសចិនបានជំរុញសេដ្ឋកិច្ចពិពភលោកដែលកំពុងជាប់គាំងឱ្យដំណើរការឡើងវិញ

តាមតួលេខស្ថិតិថ្មីបំផុតនៃអង្គការសុខភាពពិភពលោកបានឱ្យដឹងថា នៅប្រទេសនិងតំបន់ជាង២០០លើពិភពលោក បានរកឃើញករណីឆ្លងជំងឺកូវីដ-១៩ លើសពី៧សែនករណី ករណីស្លាប់លើសពី៣ម៉ឺន៣ពាក់នាក់ ។ ករណីជំងឺឆ្លងបានបង្កផលប៉ះពាល់យ៉ាងធ្ងន់ធ្ងរដល់សេដ្ឋកិច្ចពិភពលោក អង្គការមូលនិធិរូបិយវត្ថុអន្តរជាតិបានព្យាករណ៍ថា នៅឆ្នាំ ២០២០ កំណើនសេដ្ឋកិច្ចពិភពលោកនឹងទាបជាងឆ្នាំ២០១៩ដែលមានកំណើន២,៩ភាគរយ ។ លោក Guterres អគ្គលេខាធិការអង្គការសហប្រជាជាតិបានថ្លែងថា វាជារឿងប្រាកដណាស់ថា សេដ្ឋកិច្ចពិភពលោកនឹងថមថយចុះ ហើយមានលទ្ធភាពធ្លាក់ចុះខ្លាំងបំផុតក្នុងប្រវតិ្តសាស្ត្រទៀតផង ។ ក្រោមបរិការណ៍បែបនេះ ប្រទេសចិនបានប្រកាន់យកទស្សនៈសហគមន៍រួមវាសនាតែមួយរបស់មនុស្សជាតិ ខិតខំប្រឹងប្រែងបង្ការនិងគ្រប់គ្រងករណីជំងឺឆ្លងក្នុងដែនដីរបស់ខ្លួនផង ហើយក៏ខំប្រឹងប្រែងជំរុញការស្តារផលិតកម្មឡើងវិញផងដែរ ដែលបានជំរុញសេដ្ឋកិច្ចពិភពលោកដែលកំពុងជាប់គាំងឱ្យដំណើរការឡើងវិញ ។

图片默认标题_fororder_白明

លោក Bai Ming អនុប្រធានមន្ទីរសិក្សាស្រាវជ្រាវទីផ្សារអន្តរជាតិនៃក្រសួងពាណិជ្ជកម្មចិន

នាពេលបច្ចុប្បន្ន ការអនុវត្តគោលនយោបាយគាំទ្រការស្តារផលិតកម្មឡើងវិញនៃប្រទេសចិនទទួលបានប្រសិទ្ធភាពយ៉ាងឆាប់រហ័ស នៅតំបន់ជាច្រើន ការបង្កបង្កើនផលនិងជីវភាពរស់នៅបាននិងកំពុងពន្លឿនការស្តារឡើងវិញដោយមានរបៀបរៀបរយ ។ លោក Bai Ming អនុប្រធានមន្ទីរសិក្សាស្រាវជ្រាវទីផ្សារអន្តរជាតិនៃក្រសួងពាណិជ្ជកម្មចិនបានថ្លែងថា ប្រទេសចិនជាមហាប្រទេសផលិតកម្ម ការស្តារផលិតកម្មនិងជីវភាពរស់នៅឡើងវិញ ធ្វើឱ្យសកម្មភាពក្នុងសង្គមមានភាពរស់រវើកឡើងវិញ ដោយបានដើរតួនាទីជួយជំរុញការអភិវឌ្ឍសេដ្ឋកិច្ចក្នុងមួយកម្រិតធំ ។ និយាយចំពោះសេដ្ឋកិច្ចពិភពលោកវិញ ប្រទេសចិនជាគន្លឹះមួយនៃខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់នៃពិភពលោកទាំងមូល ពោលគឺបានដើរតួនាទីទទួលរ៉ាប់រងនិងផេ្ទរ ។

បច្ចុប្បន្ននេះ ការបង្ការនិងគ្រប់គ្រងករណីជំងឺឆ្លងទាំងក្នុងប្រទេសនិងអន្តរជាតិព្រមនិងស្ថានភាពសេដ្ឋកិច្ចបាននិងកំពុងកើតមានការប្រែប្រួលយ៉ាងខ្លាំង ។ លោកXuHongcaiអនុប្រធានគណៈកម្មាធិការគោលនយោបាយសេដ្ឋកិច្ចនៃសមាគមសិក្សាស្រាវជ្រាវអំពីវិទ្យាសាស្រ្តគោលនយោបាយចិនបានថ្លែងថា បច្ចុប្បន្ននេះ ការងារបង្ការនិងគ្រប់គ្រងជំងឺកូវីដ១៩របស់ប្រទេសចិនទទួលបានការវិវឌ្ឍរីកចម្រើនជាដំណាក់កាល ខ្សែសង្វាក់ផ្គត់ផ្គង់និងខ្សែសង្វាក់ឧស្សាហកម្មបានពន្លឿនការស្តារឡើងវិញ ។ បច្ចុប្បន្ន ប្រទេសចិនត្រូវពង្រីកតម្រូវការក្នុងប្រទេសនិងបំពេញកង្វះខាតខាងតម្រូវការក្រៅប្រទេសដោយមានប្រសិទ្ធភាព ដើម្បីស្តារការខាតបង់ដែលបណ្តាលមកពីជំងឺកូវីដ១៩ ដោយឈរលើមូលដ្ឋានគ្រប់គ្រងសភាពការណ៍រីករាលដាលនៃជំងឺឆ្លងផង និងខំស្តារផលិតកម្មឡើងវិញផង។

图片默认标题_fororder_徐洪才

លោកXuHongcaiអនុប្រធានគណៈកម្មាធិការគោលនយោបាយសេដ្ឋកិច្ចនៃសមាគមសិក្សាស្រាវជ្រាវអំពីវិទ្យាសាស្រ្តគោលនយោបាយចិន

លោកWangJunសេដ្ឋវិទូទី១នៃធនាគារZhongYuan និងជាសមាជិកគណៈកម្មាធិការជំនាញនៃមជ្ឈមណ្ឌលផ្លាស់ប្តូរសេដ្ឋកិច្ចអន្តរជាតិចិនបានថ្លែងថា ក្នុងនាមជាប្រទេសផលិតកម្មធំជាងគេលើពិភពលោក ប្រទេសចិនគឺជាចំណែកចាត់តាំងដ៏សំខាន់នៃខ្សែសង្វាក់ផ្គត់ផ្គង់លើពិភពលោកទាំងមូល អាចនិយាយបានថា ឋានៈនិងតួនាទីរបស់ចិនក្នុងការបែងចែកការងារនៃឧស្សាហកម្មផលិតកម្មនិងខ្សែសង្វាក់ឧស្សាហកម្មគឺមិនអាចជំនួសបានទេ។ ដូចនេះ ការចូលបំពេញការងារឡើងវិញនិងស្តារផលិតកម្មឡើងវិញរបស់ប្រទេសចិននឹងមានឥទ្ធិពលទៅលើទូទាំងពិភពលោក ហើយការស្តារខ្សែសង្វាក់ផ្គត់ផ្គង់ឡើងវិញរបស់ប្រទេសចិនក៏មានអំណោយផលដល់ស្ថិរភាពនៃខ្សែសង្វាក់ផ្គត់ផ្គង់ពិភពលោកទាំងមូលផងដែរ។ ការស្តារផលិតកម្មឡើងវិញរបស់សហគ្រាសចិនមានអំណោយផលដល់សេដ្ឋកិច្ចពិភពលោកដើរចេញពីភាពទន់ខ្សោយនិងការធ្លាក់ចុះដោយឆាប់រហ័ស ៕

ព័ត៌មាន​សំខាន់​ៗ​

ព័ត៌មានសំខាន់ៗ