ថ្ងៃទី៣០ ខែមីនា តាមម៉ោងក្នុងតំបន់ យោងតាមព័ត៌មាននៃគណៈកម្មាធិការអូឡាំពិកអន្តរជាតិបានឱ្យដឹងថា ការប្រកួតកីឡាអូឡាំពិកក្រុងតូក្យូឆ្នាំ២០២០បានសម្រេចរៀបចំធ្វើពីថ្ងៃទី២៣ ខែកក្កដា ដល់ថ្ងៃទី៨ ខែសីហា ឆ្នាំ២០២១ ឯការប្រកួតកីឡាអូឡាំពិកជនពិការក្រុងតូក្យូនឹងរៀបចំធ្វើពីថ្ងៃទី២៤ ខែសីហាដល់ថ្ងៃទី៥ ខែកញ្ញា ឆ្នាំ២០២១។
គណៈកម្មាធិការអូឡាំពិកអន្តរជាតិបានបង្ហាញថា សេចក្តីសម្រេចនេះទទួលបានគាំទ្រពីសមាគមកីឡាអូឡាំពិករដូវក្តៅអន្តរជាតិនិងគណៈកម្មាធិការអូឡាំពិកនៃប្រទេសទាំងអស់ ការធ្វើសេចក្តីសម្រេចនេះគឺឈរលើមូលដ្ឋាន៣ ទី១ ការពារសុខភាពរបស់កីឡាករនិងបុគ្គលគ្រប់រូបដែលចូលរួមការប្រកួតកីឡានេះ។ទី២ គាំពារផលប្រយោជន៍របស់កីឡាករនិងកីឡាអូឡាំពិក។ទី៣ គិតពិចារណាដោយពេញលេញនូវការរៀបចំការប្រកួតកីឡាអន្តរជាតិ៕
